ఉమ్మడి తెలుగు రాష్ట్రంలో ఎక్కువమంది ముఖ్యమంత్రులు.. రాయలసీమ ప్రాంతం నుంచి వచ్చినవారే. 13 జిల్లాల ఆంధ్రప్రదేశ్ రాష్ట్రానికి ఇప్పటిదాకా ముఖ్యమంత్రులైందీ సీమ ప్రాంతానికి చెందినవారే. అయినా, రాయలసీమ వెనుకబడిన ప్రాంతం.. అని ఎందుకు చెప్పుకోవాల్సి వస్తోంది.?
రాయలసీమని ఎడారిగా మార్చిందెవరు.? రాయలసీమ ప్రజల్ని వెనకబాటుతనంలోకి నెట్టేసిందెవరు.? ఈ ప్రశ్నలపై ఆత్మపరిశీలన చేసుకోవాల్సింది రాయలసీమ ప్రజలు, మేధావులే. చిత్రమేంటంటే, రాయలసీమ ప్రజలు దుర్భిక్షంలో వున్నారేమోగానీ, రాయలసీమ నాయకులు మాత్రం ఏనాడూ దుర్భిక్షంలో లేరు.
రాయలసీమ అనగానే ఫ్యాక్షన్, దాంతోపాటుగా ఫ్యాక్షన్ రాజకీయం గుర్తుకురావడానికి కేవలం సినిమాలే కారణం కాదు.. అక్కడ ఆ ఫ్యాక్షన్నీ, ఫ్యాక్షన్ రాజకీయాల్నీ పెంచి పోషించిన రాజకీయ నాయకులు కూడా. రాయలసీమని సొంత జాగీరులా భావించే రాజకీయ నాయకులు ఎందరో వున్నారు. అలాంటి నాయకులు, తమ చేతికి ‘పవర్’ అందినప్పుడు, తమ సొంత ప్రాంతాన్ని బాగు చేసుకోలేదు సరికదా, మరింతగా అభివృద్ధిలో వెనక్కి నెట్టేస్తూ వచ్చారు.
ఉమ్మడి తెలుగు రాష్ట్రంలో ప్రత్యేక రాయలసీమ డిమాండ్తో రాజకీయాలు చేసిన నాయకులు, ఆ తర్వాత సైలెంటయిపోయారు. పదవులతో పండగ చేసుకున్నారు. ఇప్పుడు మళ్ళీ ప్రత్యేక రాయలసీమ.. అంటూ కొత్త నినాదం నెత్తికెత్తుకున్నారు. ఇంకొందరు, రాయలసీమ.. రాజధాని.. అంటూ కొత్త వాదనను తెరపైకి తెస్తున్నారు.
రంగు మార్చడమే రాజకీయం అయిపోయిందిప్పుడు. కానీ, మరీ ఊసరవెల్లిలా క్షణ క్షణానికీ రంగులు మార్చేదాన్ని రాజకీయం అనగలమా.? విద్యార్థుల్ని రోడ్డెక్కించి, ప్రాంతీయ వాదాల్ని తెరపైకి తెచ్చి, ఇంకో ప్రాంతానికి చెందినవారి మీద, పనిగట్టుకుని ఓ సామాజిక వర్గం మీద విద్వేషాన్ని వాళ్ళలో నూరిపోస్తే.. నష్టపోయేదెవరు.?
పొరుగు రాష్ట్రాలెలా వున్నాయ్.? ఆంధ్రప్రదేశ్ ఎలా వుంది.? సీమ వెనకబాటుతనానికి కారణమైనోళ్ళే, రాజకీయ అవసరాల కోసం సీమ మీద కపట ప్రేమ నటిస్తోంటే.. ఆ కుట్రల్ని ప్రజలు తెలుసుకోకుండా వుంటారా.?
87244 905713Greetings! Quick question thats completely off subject. Do you know how to make your website mobile friendly? My weblog looks weird when viewing from my iphone. Im trying to discover a template or plugin that may be able to fix this dilemma. In the event you have any recommendations, please share. Appreciate it! 438966
377354 965252Quite fascinating subject , appreciate it for posting . 83217