ఉత్తరాంధ్ర.. వెనకబడిన ప్రాంతం కాదు, వెనక్కి నెట్టివేయబడ్డ ప్రాంతం. ఇందులో ఇంకో మాటకు తావు లేదు. ఉత్తరాంధ్రలోనే, విశాఖపట్నం కూడా వుంది. విశాఖపట్నం నగరం తప్పితే, ఉత్తరాంధ్రలో ఎక్కడ చూసినా వెనుకబాటుతనమే కనిపిస్తుంది. టీడీపీ పాలన, కాంగ్రెస్ పాలన, కొత్తగా వైఎస్సార్సీపీ పాలన.. ఎవరు పరిపాలిస్తేనేం.. ఉత్తరాంధ్ర వెనుకాబటుతనం మాత్రం అలాగే వుంది.
అణచివేతను తట్టుకుని ఉత్తరాంధ్రలో గట్టిగా నిలబడింది విశాఖపట్నం మాత్రమే. రక్షణ పరంగా వ్యూహాత్మకమైన ప్రాంతం కావడం సహా కొన్ని ప్రత్యేకతల కారణంగా ఆమాత్రం అయినా విశాఖ నిలదొక్కుకుంది. అంతే తప్ప, పాలకులెవరూ విశాఖను ప్రత్యేకంగా అభివృద్ధి చేసింది లేదు.
ఉత్తరాంధ్ర అంటే ఉప్పుగల్లాలు.. ఉత్తరాంధ్ర అంటే అమాయకత్వం.. ఉత్తరాంధ్ర అంటే కష్టపడే తత్వం.. ఉత్తరాంధ్ర అంటే ఉద్యమం.. అన్నీ వున్నా అల్లుడి నోట్లో శని.. అదే ఉత్తరాంధ్రకు శాపం. ఇప్పుడు కొత్తగా, ఉత్తరాంధ్రలో ఉద్యమాన్ని లేవదీస్తారట.. అలాగని అధికార పార్టీకి చెందిన ఒకాయన, అందునా.. మంత్రిగారొకరు సెలవిచ్చారు.
ఒకప్పుడు ఉద్యమాల పురిటిగడ్డ ఉత్తరాంధ్ర.. ఆ ఉత్తరాంధ్రకే ఉద్యమ పాఠాలు చెప్పడానికి సిద్ధమవుతున్నారు నేటితరం కుర్ర నాయకులు. ఉద్యమం దేనికోసం.? విశాఖ రాజధాని కోసమా.? ఉత్తరాంధ్ర అభివృద్ధి కోసమా.? తమ పదవుల్ని నిలబెట్టుకోవడం కోసమా.?
అమరావతి పేరుతో చంద్రబాబు హయాంలో పబ్లిసిటీ స్టంట్లు నడిచినప్పుడెందుకు మిన్నకున్నారు.? ఇప్పుడెందుకు ఎగిరెగిరి పడుతున్నారు.? రాజధాని సంగతి తర్వాత.. ఉద్దానం కిడ్నీ బాధితుల గోస తీర్చేందుకు ఎవరైనా చిత్తశుద్ధితో ప్రయత్నించారా.? లేదే.!
పొరుగునున్న ఒరిస్సాకీ, సుదూరాన వున్న హైద్రాబాద్, చెన్నయ్, బెంగళూరు, ముంబైలకు ఉత్తరాంధ్ర నుంచి వలసలు పోటెత్తుతోంటే ఆపగలిగారా.? హక్కుల కోసం నినదించారా.? లేదే.! మరి ఇప్పుడెలా ఉద్యమిస్తారు.? ఏం చెప్పి, ప్రజల్ని చైతన్యవంతుల్ని చేస్తారు.? నవ్విపోదురుగాక మనకేటి సిగ్గు.? అన్నట్టుంది ఉత్తరాంధ్ర నాయకుల తీరు.. అది ఏ పార్టీకి చెందిన నాయకులైనాసరే.
695116 55715Really great written article. It will likely be helpful to anybody who usess it, including myself. Maintain up the great work – canr wait to read much more posts. 71512
213554 432271You created some 1st rate factors there. I regarded on the web for the dilemma and located most people will associate with with your web site. 166461
972474 106204This is the fitting blog for anybody who desires to find out about this topic. You notice a lot its almost onerous to argue with you (not that I truly would wantHaHa). You undoubtedly put a brand new spin on a subject thats been written about for years. Good stuff, basically excellent! 209957