వివాదం: మయన్నార్ సరిహద్దులో టీటీడీ తలనీలాలు..!

టీటీడీ విక్రయించే తలనీలాలపై వివాదం రాజుకుంది. మిజోరం సమీపాన మయన్నార్ సరిహద్దులో 120 బ్యాగుల తలనీలాలను అక్కడి పోలీసులు స్వాధీనం చేసుకుని సీజ్ చేశారు. దీంతో ఈ అంశం సంచలనం రేపింది. అయితే.. ఈ అంశంలో టీటీడీకి ఎటువంటి సంబంధం లేదని అధికారులు స్పష్టం చేశారు. తలనీలాలు కొనుగోలు చేసిన బిడ్డర్ కు అంతర్జాతీయ అనుమతులు ఉన్నాయా? దేశంలో కానీ మరెక్కడైనా విక్రయిస్తారా? అన్నది టీటీడీకి సంబంధించింది కాదు. బిడ్డర్ నుంచి జీఎస్టీ కట్టించుకుని విక్రయించడమే టీటీడీ విధి.

తలనీలాల విక్రయాలను అంతర్జాతీయ టెండర్ల ద్వారా జరుగుతుంది. ఆన్ లైన్లో ఎక్కువగా ఎవరు కోట్ చేస్తే వారికే తలనీలాలు విక్రయిస్తాం. దేశంలోని అనేక ఆలయాల్లో తలనీలాల విక్రయాలు జరుగుతుననట్టే.. టీటీడీలో జరుగుతున్నాయి. ఇక్కడ మూడు నెలలకోసారి విక్రయాలు జరుగుతాయి. అంతకు మించి టీటీడీకీ విక్రయాలతో, కొనుగోలుదారులతో సంబంధం లేదని టీటీడీకి చెందిన ఓ అధికారి వెల్లడించారు.