ఆంధ్రపదేశ్ రాష్ట్రంలో వైఎస్ జగన్ ప్రభుత్వం ఎదుర్కొన్నంతగా మరే ప్రభుత్వం ఇంతలా న్యాయస్థానాల నుంచి మొట్టికాయల్ని ఎదుర్కొనలేదు. ప్రభుత్వ కార్యాలయాలకి వైసీపీ రంగులేంటి.? అంటూ హైకోర్టు నుంచి సుప్రీంకోర్టు దాకా ఎన్నిసార్లు చీవాట్లు పెట్టినా పద్ధతి మార్చుకోలేదు. పైగా, కోర్టుల్ని తిట్టడం వైసీపీ నేతలకు, కార్యకర్తలకు పరిపాటిగా మారిపోయింది.
పదే పదే కోర్టులో మొట్టికాయలు తినేలా వ్యవహరించడం ద్వారా కోర్టులకు దురుద్దేశాలు ఆపాదించాలనే ప్రయత్నం వైసీపీ చేస్తోందంటూ విపక్షాలు విమర్శలు చేస్తున్న విషయాన్ని తేలిగ్గా కొట్టి పారేయలేం.
తాజాగా, హైకోర్టు.. ఇద్దరు సీనియర్ ఐఏఎస్ అధికారులకు వారం రోజుల జైలు శిక్ష విధించింది.. తమ ఆదేశాలు పాటించలేదని. అంతలోనే, న్యాయస్థానం.. ప్రభుత్వం తరఫున లిఖిత పూర్వక హామీ రావడంతో (ఏ ఆదేశాలైతే అమలు కాలేదని హైకోర్టు ఆక్షేపించిందో, ఆదేశాల్ని అమలు చేస్తామని ప్రభుత్వం హామీ ఇచ్చింది ఆ జైలు శిక్ష ఆదేశాల్ని రద్దు చేసింది. ఇదీ రాష్ట్రంలో ప్రభుత్వం వ్యహరిస్తున్న తీరు.
ఇదిలా వుంటే, ఆంధ్రపదేశ్ రాష్ట్రంలో ఇంటర్మీడియట్ పరీక్షల నిర్వహణ విషయమై సుప్రీంకోర్టు, రాష్ట్ర ప్రభుత్వానికి మొట్టికాయలు వేసింది. ఆంధ్రపదేశ్ రాష్ట్ర ప్రభుత్వం నుంచి ఎందుకు అఫిడవిట్ దాఖలు చేయలేదని నిలదీసిన సుప్రీంకోర్టు, పరీక్షల నిర్వహణపై నాన్చివేత ఇంకెన్నాళ్ళని ప్రశ్నించింది. ఒక్క విద్యార్థి ప్రాణం కోల్పోయినా దానికి ప్రభుత్వమే బాధ్యత వహించాలని స్పష్టం చేసింది. ఇప్పుడున్న పరిస్థితుల్లో విద్యార్థుల మెడ మీద కత్తి పెట్టినట్లు వ్యవహరించడం ఎంతవరకు సబబు.? అని నిలదీసిన సర్వోన్నత న్యాయస్థానం, రాష్ట్ర ప్రభుత్వం అఫిడవిట్ దాఖలు చేసేందుకు రెండు రోజులు సమయమిచ్చింది.
దేశంలో చాలా రాష్ట్రాలున్నాయి, పరీక్షలపై ప్రకటన చేసేందుకు ఆంధ్రపదేశ్ రాష్ట్రానికి మినహాయింపు ఎందుకు.? అని సర్వోన్నత న్యాయస్థానం ప్రశ్నించడమంటే అది చిన్న విషయం కానే కాదు. కరోనా నేపథ్యంలో దేశంలో చాలా రాష్ట్రాలు పరీక్షల్ని రద్దు చేశాయి. పదో తరగతి పరీక్షల విషయంలో కూడా రాష్ట్ర ప్రభుత్వం, విద్యార్థుల పట్ల మొండి వైఖరి ప్రదర్శిస్తుండడంతో విద్యార్థి లోకం తీవ్ర ఆవేదనకు గురవుతోంది.
243004 516875Youd outstanding guidelines there. I did a search about the field and identified that really likely the majority will agree along with your internet page. 386614
962353 795059Paris Hilton: So lovely spending time with Manny and h 259981