దివంగత ఎన్టీఆర్ భార్య, వైఎస్సార్ సీపీ నాయకురాలు నందమూరి లక్ష్మీపార్వతి పై లైంగిక వేధింపుల కేసు నమోదైంది. ఆమె తనను లైంగికంగా వేధిస్తున్నారంటూ కోటి అనే వ్యక్తి గుంటూరు జిల్లా వినుకొండ పోలీసులకు ఫిర్యాదు చేశాడు. ఇందుకు సంబంధించి కొన్ని ఆధారాలను కూడా పోలీసులకు అందజేశాడు. వాటిని పరిశీలించిన పోలీసులు లక్ష్మీపార్వతిపై కేసు నమోదు చేశారు. ఈ విషయం తెలుగు రాష్ట్రాల్లో సంచలనం సృష్టించింది.
వినుకొండ సమీపంలోని ఉప్పరపాలేనికి చెందిన బోరిగొర్ల కోటి అనే వ్యక్తి ఈ ఫిర్యాదు చేశాడు. తాను నాలుగేళ్లుగా లక్ష్మీపార్వతి వద్ద పనిచేస్తున్నానని, ఆమె బారి నుంచి తనను కాపాడాలని, కొంతకాలంగా తనను లైంగికంగా తనను వేధిస్తున్నారంటూ ఫిర్యాదులో పేర్కొనడం కలకలం సృష్టించింది. ఆమె పైకి ఒకలా, లోపల మరోలా ఉంటుందంటూ తీవ్రమైన ఆరోపణలు చేశాడు. తన కోరిక తీర్చాలంటూ ఎంతో ఒత్తిడి చేశారని, అశ్లీల వీడియోలు కూడా పంపించేవారని ఫిర్యాదులో పేర్కొన్నాడు.
ఏడాదిగా ఆమె ప్రవర్తన బాగోలేదని, తాను ఎంతలా చెప్పినా వినిపించుకోకుండా వేధింపులకు పాల్పడ్డారని లక్ష్మీపార్వతిపై ఆరోపణలు చేశాడు. ఏడాదిగా తనకు, ఆమెకు మధ్య జరిగిన వాట్సాప్ చాట్ ను కూడా ఓ టీవీ ఛానల్ కు అందజేశాడు. తాను ఆమెను తల్లిలా భావించానని, కానీ ఆమె మాత్రం తనను మరోలా చూశారని పేర్కొన్నాడు. ఎన్టీఆర్ ను కూడా ఆమె చాలా సార్లు తిట్టారని వెల్లడించాడు. తాను చెప్పినట్టుగా వింటే వైఎస్సార్ సీపీలో మంచి పోస్టు కూడా ఇప్పిస్తానని ఆఫర్ చేశారని, కానీ తనకు అలాంటివి ఇష్టం లేదని, అందువల్లే ఈ విషయంపై పోలీసులకు ఫిర్యాదు చేశానని కోటి పేర్కొన్నాడు.
లక్ష్మీస్ ఎన్టీఆర్ సినిమాలో రాంగోపాల్ వర్మ ఆమెను చాలా ఉన్నతంగా చూపించారని, కానీ అసలు కథ అది కాదని, వర్మ తన దగ్గరకు వస్తే స్టోరీ మొత్తం చెబుతానని, దమ్ముంటే ఆ సినిమా తీయాలని సవాల్ చేశాడు. ఈ వ్యవహారంలో తనకు ఏదైనా ఆపద వస్తుందనే ఉద్దేశంతోనే పోలీసులకు ఫిర్యాదు చేసినట్టు చెప్పాడు. తమ ఇద్దరి మధ్య ఇటీవల జరిగిన ఓ సంభాషణను సైతం అతడు రికార్డు చేశాడు. ఎన్టీఆర్ దుర్మార్గుడు అని, అమ్మాయిల విషయంలో నాదెండ్ల భాస్కరరావు చెప్పిన విషయాలు నిజమే అని చెప్పారని కోటి వెల్లడించాడు.
అయితే, ఎన్నికలకు సరిగ్గా వారం రోజుల ముందుగా వైఎస్సార్ సీపీ నాయకురాలిపై ఇలాంటి సంచలన ఫిర్యాదు చేయడంపై అనుమానాలు వ్యక్తమవుతున్నాయి. నిజంగానే లక్ష్మీపార్వతి అలా ప్రవర్తించారా? లేదా ఆమెను ఇరికించే ఉద్దేశంతో ఎవరైనా కుట్ర పన్నారా అన్న సందేహాలు వ్యక్తమవుతున్నాయి. కోటి ఫిర్యాదు అనంతరం కేసు నమోదు చేసిన పోలీసులు అతడు అందజేసిన వాట్సాప్ చాట్ ఏ నంబర్ నుంచి వచ్చిందనే అంశాన్ని ధ్రువీకరించుకున్నారని సమాచారం.
ఆంధ్రప్రదేశ్ ఎన్నికల సమయంలో హోరాహోరీ పోటీ నడుస్తున్న ప్రస్తుత తరుణంలో ఓ దివంగత ముఖ్యమంత్రి భార్య, ప్రతిపక్షానికి చెందిన నాయకురాలిపై ఇలాంటి ఆరోపణలు రావడం కలకలం రేపుతోంది. కోటి ఫిర్యాదులో వాస్తవాలు ఉన్నాయా లేదా పోలీసుల దర్యాప్తులో తేలనుంది. తనపై వచ్చిన ఈ సంచలన ఆరోపణల విషయంలో లక్ష్మీపార్వతి ఎలా స్పందిస్తారో చూడాలి.
673536 984672Just what I was seeking for, appreciate it for posting . 43658
567810 898060I surely didnt recognize that. Learnt a thing new today! Thanks for that. 124329
507021 920101I really like your writing style, very good information , thankyou for putting up : D. 426708
958772 903096Rattling clean internet internet site , thanks for this post. 29326
699876 382970Somebody necessarily aid to make seriously articles I may state. That will be the extremely first time I frequented your internet page and to this point? I surprised with the research you made to make this actual put up incredible. Fantastic task! 622664