కన్నడ సూపర్‌ హిట్‌ మూవీ కేజీఎఫ్‌ కు ప్రస్తుతం సీక్వెల్‌గా కేజీఎఫ్‌ 2ను చిత్రీకరిస్తున్న విషయం తెల్సిందే. మొదటి పార్ట్‌ భారీ విజయాన్ని సొంతం చేసుకున్న నేపథ్యంలో రెండవ పార్ట్‌పై మరింత జాగ్రత్తలు తీసుకుంటూ దర్శకుడు ప్రశాంత్‌ నీల్‌ తెరకెక్కిస్తున్న విషయం తెల్సిందే. కన్నడ సినీ చరిత్రలో ఎప్పుడు కూడా ఖర్చు చేయనంతటి బడ్జెట్‌ను ఈ చిత్రం కోసం ఖర్చు చేస్తున్నట్లుగా సమాచారం అందుతోంది. బాలీవుడ్‌ స్టార్స్‌ పలువురు ఈ చిత్రంలో నటిస్తున్నారు.
ఇటీవలే ఈ సినిమాను అక్టోబర్ 23, 2020 తారీకున విడుదల చేస్తామంటూ ప్రకటించిన విషయం తెల్సిందే. అయితే కరోనా నేపథ్యంలో సినిమా విడుదల తేదీని మార్చే అవకాశం ఉందని వార్తలు వస్తున్నాయి. లాక్‌ డౌన్‌కు ముందునుండే సినిమా షూటింగ్‌ను నిలిపేయడం జరిగింది. ఇక లాక్‌ డౌన్‌ను మరికొన్ని రోజులు పొడగించడంతో పాటు వివిధ కారణాల వల్ల షూటింగ్స్‌ రెండు నెలల వరకు జరిగే పరిస్థితి లేదు. అందుకే సినిమా అక్టోబర్‌లో విడుదల అవ్వడం కష్టమే అంటున్నారు. ఇది యశ్‌ ఫ్యాన్స్‌కు బ్యాడ్‌ న్యూస్‌గా చెప్పుకోవచ్చు.
ఇక మరో విషయం ఏంటీ అంటే ఈ సినిమాకు యాంటీ క్లైమాక్స్‌ ఉంటుందని ప్రచారం జరుగుతోంది. తెలుగు ఆడియన్స్‌ ఎప్పుడు కూడా యాంటీ క్లైమాక్స్‌ను ఒప్పుకున్న దాఖలాలు లేవు. ఒకటి రెండు సినిమాలు పర్వాలేదు అనిపించినా కూడా కమర్షియల్‌గా మాత్రం ఆ సినిమాలు ఆడినది లేదు. అందుకే కేజీఎఫ్‌ 2 చిత్రం తెలుగులో ఏమాడుతుందో అనే అనుమానాలు ఇప్పటి నుండే వస్తున్నాయి. మొత్తానికి కేజీఎఫ్‌ 2 గురించి ఈ రెండు వార్తలు ప్రేక్షకులకు తీవ్ర నిరాశను కలిగిస్తున్నాయి.
222106 981804There is noticeably a bundle comprehend this. I suppose you produced specific nice points in functions also. 973449