Chiranjeevi: మెగాస్టార్ చిరంజీవి 26ఏళ్ల క్రితం (1998 అక్టోబర్ 2) ప్రారంభించిన చిరంజీవి చారిటబుల్ ట్రస్టులో నేడు అద్భుతమే జరిగింది. ‘రక్తదానం చేయండి.. ప్రజల ప్రాణాలు నిలపండి..’ అని నాడు చిరంజీవి ఇచ్చిన పిలుపు దిక్కులు పిక్కటిల్లేలా ఎలా ప్రతిధ్వనించిందో నిరూపణ అయింది. ప్రముఖ నటుడు మహర్షి రాఘవ చిరంజీవి బ్లడ్ బ్యాంకులో నిన్నటితో 100సార్లు రక్తదానం చేసి చిరంజీవి ఆశయాల్ని ముందుకు తీసుకెళ్లడమే కాకుండా.. ఎంతోమందికి ఆదర్శంగా నిలిచారు.
బ్లడ్ బ్యాంకు ప్రారంభించిన మొదటి రోజు రక్తదానం చేసిన తొలి వ్యక్తి మురళీ మోహన్.. రెండో వ్యక్తి మహర్షి రాఘవ. వీరిలో మహర్షి రాఘవ ప్రతి మూడు నెలలకోసారి రక్తదానం చేసి నిన్నటితో 100సార్లు రక్తదానం చేసి ‘రక్తదాత’గా నిలవడం ఎంతైనా అభినందనీయం. ఇందుకు చిరంజీవి సంతోషం వ్యక్తం చేశారు. మురళీమోహన్ తోపాటు మహర్షి రాఘవ ఆయన సతీమణి, ప్రముఖ నటి, డబ్బింగ్ ఆర్టిస్ట్ శిల్పను ఇంటికి పిలిచి ఘనంగా సన్మానించి అభినందించారు. ఈ సందర్భంగా చిరంజీవి మాట్లాడుతూ..
‘ఆశయం నాది.. ముందుకు తీసుకెళ్లింది నా అభిమానులు.. దాతలు. ప్రణాపాయ సమయంలో రక్తం అందక చనిపోతున్న వార్తలు చూసి ఆవేదన చెందేవాడ్ని. ఇందుకు ‘రక్తదానం’ నాకు సరైన దారి అనిపించింది. నా పిలుపు అందుకుని నాటి నుంచి లక్షల్లో అభిమానులు రక్తదానం చేసారు.. ఇప్పటికీ చేస్తున్నారు. వారిలో మహర్షి రాఘవ 100సార్లు రక్తదానం చేసిన రక్తదాతగా స్ఫూర్తిగా నిలవడం నేను గర్వించే విషయం. ప్రతి ఒక్కరూ ఇటువంటి మహోన్నతమైన సేవలో భాగస్వాములు కావాలి.. సమాజానికి ఉపయోగపడాల’ని చిరంజీవి అన్నారు.
Imovane is a prescription medicine that is usually used to treat insomnia and sleep problems.