కనురెప్పలతో రికార్డు కొట్టేసింది..

కనురెప్పలపై ఉండే వెంట్రుకలు ఎంత ఉంటాయి? ఎవరికైనా సరే ఒక సెంటీమీటరు కంటే ఎక్కువ పొడవు ఉండవు. కానీ ఈమెను చూశారా? కనురెప్ప వెంట్రుకలు ఎంత పొడవుగా ఉన్నాయో? అందుకే గిన్నిస్ రికార్డు కొట్టేసింది. ప్రపంచంలోనే అతిపొడవైన కనురెప్పల వెంట్రుకలు కలిగి ఉన్న మహిళగా రికార్డు పుస్తకాల్లోకి ఎక్కేసింది. ఈ విషయంలో గతంలో తాను సృష్టించిన రికార్డును తాజాగే ఆమే అధిగిమించడం విశేషం. 2016లో తన పేరిట ఉన్న రికార్డును ప్రస్తుతం సవరించింది. చైనాలోని చాంగ్ జౌ నగరానికి చెందిన యూ జియాంజియా 2016లో 12.5 సెంటీమీటర్ల పొడవైన కనురెప్పల రోమాలతో రికార్టు సృష్టించింది. ఐదేళ్ల అనంతరం అవి దాదాపు రెట్టింపు కావడం విశేషం. ప్రస్తుతం అవి 20.5 సెంటీమీటర్ల పొడవు వరకు పెరిగాయి. దీంతో మరోసారి గిన్నిస్ రికార్డుల్లోకి ఎక్కింది. ఆమె రికార్డును అధిగమించడం ఎవరికీ సాధ్యం కాదేమో? తాను ఓసారి పర్వత ప్రాంతాల్లో ఏడాదిన్నరపాటు ఉన్నానని.. అప్పుడు బుద్ధుడు తనకు ఇలా పొడవైన రోమాలు ఇచ్చాడని ఆమె చెబుతోంది.