Ranbir Kapoor బాలీవుడ్‌ ప్రేక్షకులతో పాటు అన్ని ఇండియన్‌ భాషల సినీ ప్రేక్షకులు నితీష్‌ తివారీ దర్శకత్వంలో రాబోతున్న రామాయణం సినిమా కోసం ఎంతో ఆసక్తిగా ఎదురు చూస్తున్నారు. భారీ బడ్జెట్‌ తో రూపొందబోతున్న ఈ రామాయణం లో రాముడిగా బాలీవుడ్‌ స్టార్ నటుడు రణ్బీర్ కపూర్ నటించబోతున్నాడు. సీత పాత్రలో సాయి పల్లవి నటించనున్నట్లు వార్తలు వస్తున్నాయి.
రామాయణం సినిమాకు సంబంధించిన ప్రీ ప్రొడక్షన్ వర్క్‌ జరుగుతోంది. గత కొన్ని రోజులుగా రణ్బీర్ కపూర్ రాముడి పాత్ర కోసం వర్కౌట్స్ చేస్తున్నాడు. ప్రస్తుతం రణ్బీర్ కపూర్ విలు విద్య ని నేర్చుకుంటున్నాడు. ప్రముఖ ఆర్చరీ కోచ్‌ ఆధ్వర్యంలో రణ్బీర్ కపూర్ శిక్షణ పొందుతున్నాడు.
అందుకు సంబంధించిన ఫోటోలు మరియు వీడియోలు సోషల్‌ మీడియాలో వైరల్ అవుతున్నాయి. రాముడు అనగానే విలు విద్య గుర్తుకు వస్తుంది. కనుక రణ్బీర్ కపూర్ కూడా విలువిద్య ను నేర్చుకుంటున్నాడు. యానిమల్ సినిమా తో భారీ విజయాన్ని సొంతం చేసుకున్న రణ్ బీర్ కపూర్ రామాయణంతో మరో భారీ విజయాన్ని సొంతం చేసుకుంటాడని అభిమానులు నమ్మకంతో ఉన్నారు.