Ram Charan: చిరంజీవి (Chiranjeevi) వారసుడు అంటే చిరంజీవి పేరు నిలబెట్టాలంతే..! వేరే ఆప్షన్ లేదు. అప్పటికి 28ఏళ్లుగా తెలుగు సినిమాపై చిరంజీవి వేసిన బలమైన ముద్ర.. సృష్టించిన ప్రభంజనం అటువంటిది. చిరంజీవి కుమారుడిగా వచ్చి తొలి సినిమాతోనే సక్సెస్ ఇచ్చాడు రామ్ చరణ్. ఇక మెల్లగా కుదురుకుంటాడు.. అనే అవకాశమే ఎవరికీ ఇవ్వలేదు. ‘చిరు’తనయుడు చాన్స్ తీసుకోలేదు. తొలి సినిమాతోనే రఫ్పాడేసి రెండో సినిమాతో ఏకంగా దక్షిణాది సినిమాకే చుక్కలు చూపించాడు. భారతీయ సినీ పరిశ్రమ మొత్తం తెలుగు సినిమా వైపు చూసేలా చేశాడు. అదే ‘మగధీర’. అభిమానుల ఆశలు.. ప్రేక్షకుల అంచనాల్లో అణువంత తేడా రానివ్వకుండా వన్ మ్యాన్ షో చేసేశాడు.. స్టార్ హీరో అయిపోయాడు.
అసలైన పాన్ ఇండియా మూవీ..
ఇప్పుడు చెప్పుకుంటున్న పాన్ ఇండియా సినిమా అసలు చెప్పుకోవాల్సిందే మగధీరతో. ఆ స్థాయి కంటెంట్ ఉన్న సినిమా. అప్పటి టెక్నాలజీకి తోడు.. రామ్ చరణ్ యాక్టింగ్.. హార్స్ రైడింగ్ స్కిల్స్.. సైన్యాధ్యక్షుడిగా ఆయన ఆహార్యం ఇవన్నీ తెలుగు ప్రేక్షకుల్ని తెర వైపు నుంచి చూపు తిప్పుకోనివ్వలేదు. అభిమానులైతే.. బాబోయ్.. ఇదేం కిక్కురా బాబూ.. అని ఆనందంతో ఉక్కిరిబిక్కిరే అయిపోయారు. ఫస్టాఫ్ లో స్టైలిష్ చరణ్.. పక్కింటి కుర్రాడిలా చలాకీతనం. సెకండాఫ్ వేటాడే చిరుతే అయ్యాడు. చిరంజీవి కొడుకు అంటే ఏంటో.. ఆ బ్రాండ్ కి ఉన్న విలువేంటో రొమ్ములు విరుచుకుని.. ప్రేక్షకుల రోమాలు నిక్కబొడుచుకునేలా చేశాడని చెప్పడం చిన్నమాట. దర్శకుడు రాజమౌళి విజన్ కి తగ్గట్టు పెర్ఫార్మెన్స్ ఇచ్చి.. భవిష్యత్తులో ఓ స్టార్ కొడుకు ఎలాంటి ప్రభంజనం సృష్టించాలనేందుకు ల్యాండ్ మార్క్ పెట్టేశాడు రామ్ చరణ్.
దక్షిణాది సినిమాకే చుక్కలు..
నిజానికి తొలి సినిమాతోనే తానేంటో నిరూపించుకున్న చరణ్.. మగధీరతో చిరంజీవే ఉక్కిరిబిక్కిరయ్యే పుత్రోత్సాహాన్ని ఇచ్చేశాడు. ఆ తర్వాత నుంచి జరుగుతున్నది చిరంజీవికి బోనస్సే. రామ్ చరణ్ కు వచ్చిన పాన్ ఇండియా ఇమేజ్, గ్లోబల్ స్టార్ క్రేజ్ నిజానికి మగధీరతోనే వచ్చేంత కేపబిలిటీ ఉంది. అంతటి రోరింగ్ పెర్ఫార్మెన్స్ ఇచ్చి తిరుగులేని స్టార్ డమ్ సొంతం చేసుకున్నాడు. తెలుగు సినిమాతోపాటు దక్షిణాదిలో మరే భాషా సినిమా కూడా చూడని లాభాలు ఒక్క తెలుగు వెర్షన్ తోనే ట్రిపుల్ మార్జిన్ లాభాలు ఆర్జించింది మగధీర. 5వ వారం తర్వాత హైదరాబాద్ లో 35 ధియేటర్లు పెంచారంటే సినిమా ప్రభంజనం ఏంటో అర్ధం చేసుకోవచ్చు. అదీ చిరంజీవి కొడుకంటే.. అదీ మెగా రేంజ్, తెలుగు సినిమా స్థాయి ఇదీ, టాలీవుడ్ కి మరో స్టార్ దొరికేశాడంతే అని అనిపించేశాడు రామ్ చరణ్.
bookmarked!!, I like your website!
My brother recommended I might like this web site.
He was entirely right. This post actually made my day.
You can not imagine just how much time I had spent for
this information! Thanks!
obviously like your web-site however you have to test the spelling on quite a few
of your posts. Many of them are rife with spelling problems and I find it very
bothersome to inform the truth nevertheless I will surely
come again again.