తెలుగు సినిమాకు కమర్షియల్ హంగులు అద్దినది.. తెలుగు సినిమాకు కొత్త పంథా నేర్పించింది.. తెలుగు వారి ఆత్మ గౌరవంను కాపాడినది.. తెలుగు వారికి ప్రపంచ స్థాయి గుర్తింపు దక్కించి పెట్టింది.. తెలుగు భాషను జాతీయ స్థాయిలో ప్రచారం చేసింది ఒకే ఒక్కరు.. ఆయనే నందమూరి తారక రామారావు.
అభిమానులతో పాటు అందరు కూడా ఆయన్ను అన్నగారు అంటూ ఎంతో అభిమానంగా పిలుచుకునేవారు. సినీవినీలాకాశంలో తనకంటూ ఒక ప్రత్యేక గుర్తింపు దక్కించుకుని తెలుగు సినిమా చరిత్రలో తనదైన ముద్రను వేసిన విశ్వ విఖ్యాత నట సార్వభౌముడు మన అన్నగారు. ఆయన నటుడిగా సాధించిన విజయాలు ఒక ఎత్తు అయితే రాజకీయాల్లోకి వెళ్లి సాధించిన విజయాలు ఆయన కీర్తిని ఆకాశాన నిలబెట్టాయి.
అద్బుతమైన విజయాలు దక్కించుకున్న అన్నగారు దేశ రాజకీయాలపై కూడా తనదైన ముద్ర వేశారు. సినిమా రంగంలోనే కాకుండా రాజకీయ రంగంలో కూడా ఎప్పటికి చెరిగి పోని ముద్ర వేసి తనకంటూ ప్రత్యేక గుర్తింపును దక్కించుకున్న నందమూరి తారక రామారావు అలియాస్ ఎన్టీఆర్ 97వ జయంతి నేడు. ఈ సందర్బంగా ఆయన గొప్పతనంను మరోసారి చర్చించుకోవడం, ఆయన గురించి ఈ తరం వారికి తెలియజేయడం ప్రతి ఒక్కరి కర్తవ్యం.
చిన్న వయసులోనే సినీ జీవితంను ప్రారంభించిన ఎన్టీఆర్ 44 ఏళ్ల పాటు సినీ జీవితంను కొనసాగించారు. ఆ 44 ఏళ్లలో తెలుగుతో పాటు తమిళం, హిందీ భాషల్లో కూడా నటించాడు. దాదాపుగా 400 సినిమాల్లో నటించి మెప్పించిన నట సార్వభౌముడు ఎన్టీఆర్ ఛారిత్రాత్మక, పౌరాణిక, సాంఫీుక, జానపధ చిత్రాలను చేశాడు. అత్యధిక పాత్రలు వేసిన నటుడిగా రికార్డు సాధించారు.
అన్నగారు కృష్ణుడిగా వేశం కట్టాడు అంటే నిజంగా ఇలాగే కృష్ణుడు ఉండేవాడేమో అనుకునేవారు. పౌరాణిక పాత్రలకు పెట్టింది పేరుగా నిలిచిన ఎన్టీఆర్ హీరోగానే కాకుండా నిర్మాతగా, దర్శకుడిగా కూడా తెలుగు సినిమాకు సేవ చేశారు. రామకృష్ణ సినీ స్టూడియోను నిర్మించిన ఎన్టీఆర్ అన్ని రంగాల్లో తనదైన ముద్రను వేశారు.
తెలుగు వారి ఆల్టైం ఫేవరేట్ హీరోగా ఎన్టీఆర్ నిలిచాడు. ఎన్టీఆర్ సినీ జీవితం ఎంత చెప్పినా ఇంకా మిగిలే ఉంటుంది. హీరోగా ఇప్పుడే కాదు రాబోయే మరో వంద ఏళ్లలో కూడా అన్నగారు ఎన్టీఆర్కు సరిరారు మరెవ్వరు.
సినిమా రంగంలో ఎంతటి విజయాలను దక్కించుకున్నాడో అంతకు మించి రాజకీయ రంగంలో విజయాన్ని సొంతం చేసుకున్నాడు. అప్పటి వరకు ఉన్న పార్టీలు తెలుగు వారి ఆత్మగౌరవంకు విలువ ఇవ్వకుండా, తెలుగు వారు అంటే కనీసం లెక్క చేయని జాతీయ పార్టీలు ఉన్న సమయంలో ఎన్టీఆర్ తెలుగు జాతి ఆత్మగౌరవంను కాపాడే ఉద్దేశ్యంతో తెలుగు దేశం పార్టీని ప్రారంభించారు.
పార్టీ ప్రారంభించిన అతి తక్కువ సమయంలోనే అధికారంలోకి వచ్చి రికార్డు సృష్టించారు. ఉమ్మడి ఆంధ్ర ప్రదేశ్కు అప్పటి వరకు అత్యధిక కాలం ముఖ్యమంత్రిగా చేసిన ఘనత దక్కించుకున్నారు. సీఎంగా అన్నగారు ఉన్న సమయంలో తీసుకు వచ్చిన మార్పులు, చేసిన చట్టాలు, సంస్కరణలు ఇంకా కూడా అమలులో ఉన్నాయి. వాటినే దేశ వ్యాప్తంగా కూడా అమలు చేస్తున్నారు అనడంలో సందేహం లేదు.
కొన్ని కారణాల వల్ల ఆయన ముఖ్యమంత్రి పదవి నుండి తప్పించబడ్డా ఆయన రాజకీయాల్లో సరిలేరు మీకెవ్వరు అనిపించుకున్నారు. అన్నగారి స్థాయి రాజకీయ నాయకుడు రాబోయే వందేళ్లలో రారు అనడంలో ఎలాంటి సందేహం లేదు. ఈతం, ఆ తరం ఏతరం అయినా అన్నగారు ఎన్టీఆర్ను సినీ మరియు రాజకీయ రంగంలో మించిన వారు ఉండరు.. రాబోరు.
955730 321515When I initially commented I clicked the -Notify me when new comments are added- checkbox and now each time a remark is added I get four emails with exactly the same comment. Is there any manner you possibly can take away me from that service? Thanks! 618026