నిర్మాత సురేశ్ బాబు మాటల్లో ‘చిరంజీవి తెలుగు ప్రేక్షకులకు ఎంటర్ టైన్మెంట్ హీరో’. అంతటి భీకరమైన ఫాలోయింగ్ ఉన్నా ఆతరహా సినిమాలు చేస్తున్నా తనలోని నటుడిని ఆవిష్కరించే సినిమాలూ చేశారు. వాటిలో ‘రుద్రవీణ’ ఒకటి. సాటి మనిషిపై ప్రేమ, సమాజంపై బాధ్యత ఉండాలనే కాన్సెప్ట్ తో తెరకెక్కిందీ సినిమా. అప్పటివరకూ తన ఫైట్లు, డ్యాన్సులకు మైమరచిన ప్రేక్షకులకు కొత్త అనుభూతి కలిగించారు చిరంజీవి. సంగీత విధ్యాంసుడైన తండ్రి గణపతి శాస్త్రి ఆలోచనలతో విబేధిస్తూ, సమాజాన్ని పీడిస్తున్న వర్ణ, వర్గ వివక్షపై పోరాడుతూ, మద్యానికి బానిసైన వారిని దారిలో పెట్టి, గ్రామాన్ని దత్తత తీసుకుని మార్పు తెచ్చే సూర్యం పాత్రలో చిరంజీవి ఒదిగిపోయారు.
చిరంజీవి కళ్లే నటించాయి..
తండ్రిగా నటించిన ప్రముఖ తమిళ దిగ్గజం జెమినీ గణేశన్ తోపాటు పోటీ పడి నటించారు. తండ్రితో విభేధించలేక తనలో తానే మదనపడుతూ.. కొన్ని సన్నివేశాల్లో చిరంజీవి తన కళ్లతోనే చూపిన రౌద్రం చూస్తే.. ఆయన కళ్లే నటించాయని చెప్పాలి. కరెంట్ లైన్ మెన్ కు షాక్ కొడితే కాపాడలేని నిస్సహాయస్థితిలో చిరంజీవి.. తర్వాత తండ్రిని ప్రశ్నించడం, మహిళల దీనస్థితిని తెలియజేసే సన్నివేశాలే ఇందుకు నిదర్శనం. హీరోయిన్ శోభన చిరంజీవిని ఆటపట్టించే సందర్భాల్లో అమాయకత్వంతో మెప్పిస్తారు. గణేశ్ పాత్రో మాటలు, ఇళయరాజా సంగీతం, సిరివెన్నెల సాహిత్యం సినిమాకు ప్రాణం. తొమ్మిది పాటలు ఆలోచింపజేస్తాయి. గ్రామానికి వచ్చిన దేశ ప్రధాని సమక్షంలో ‘నేను సూర్యం తండ్రిని’ అని జెమినీ గణేశన్ చెప్పే సన్నివేశంలో క్లాప్స్ పడ్డాయి.
విమర్శకుల ప్రశంసలు..
వరుస హిట్లలో ఉన్న సమయంలో చిరంజీవి రుద్రవీణతో ప్రయోగమే చేశారు. సోదరుడు నాగబాబుతో అంజనా ప్రొడక్షన్స్ బ్యానర్ స్థాపించి నిర్మించిన తొలి సినిమా రుద్రవీణ. తమిళ దర్శక దిగ్గజం కె.బాలచందర్ దర్శకత్వంలో తెరకెక్కిన రుద్రవీణ 1988 మార్చి 4న విడుదలయింది. కమర్షియల్ సక్సెస్ కాలేకపోయినా విమర్శకుల ప్రశంసలు పొందింది. జాతీయ అవార్డుల్లో జాతీయ సమైక్యతా చిత్రంగా నర్గీస్ దత్ అవార్డు, ఉత్తమ సంగీత దర్శకుడిగా ఇళయరాజా, నేపథ్య గాయకుడిగా ఎస్పీ బాలసుబ్రమణ్యం నిలిచారు. చిరంజీవికి స్పెషల్ జ్యూరీ అవార్డు దక్కింది. సినిమాలో చిరంజీవి నటనకు ముగ్దుడైన దర్శక దిగ్గజం బాలచందర్ ‘రజినీకాంత్+కమల్ హాసన్=చిరంజీవి. డ్యాన్స్, ఫైట్స్ మాత్రమే కాదు.. అద్భుతమైన నటన చిరంజీవి సొంతం’ అని కితాబిచ్చారు.
657685 921836Attractive part of content material. I just stumbled upon your website and in accession capital to claim that I acquire in fact enjoyed account your blog posts. Any way Ill be subscribing to your feeds and even I achievement you get entry to constantly quickly. 49649
347284 786243stays on topic and states valid points. Thank you. 263082
745421 237176We guarantee authentic brands avoiding inferior commercial imitations, or even dangerous counterfeits. 436253
431450 873330I believe this internet web site has some rattling wonderful information for every person : D. 732053
85523 449483I believe this really is among the most vital info for me. And im glad reading your write-up. But wanna remark on couple of common things, The site style is perfect, the articles is truly fantastic : D. Excellent job, cheers 955162