కాంగ్రెస్ పార్టీకి మునుగోడు ఎమ్మెల్యే కోమటిరెడ్డి రాజగోపాల్ రెడ్డి రాజీనామా చేశారు. కాంగ్రెస్ పార్టీని వీడాలనుకున్న తర్వాతనే మునుగోడు నియోజకవర్గం రాజగోపాల్ రెడ్డికి గుర్తుకొచ్చింది. చాలాకాలంగా నియోజకవర్గ ప్రజలకు ఆయన అందుబాటులో లేకుండా పోయారన్నది స్థానికంగా వినిపిస్తోన్న విమర్శ. అటు కాంగ్రెస్ పార్టీకీ, ఇటు మునుగోడు ప్రజలకీ అందుబాటులో లేకుండా గడచిన మూడున్నరేళ్ళుగా ఎమ్మెల్యే కోమటిరెడ్డి రాజగోపాల్ రెడ్డి ఏం రాజకీయం చేసినట్టు.?
సరే, ఆ సంగతి పక్కన పెడితే.. ఆయన తన ఎమ్మెల్యే పదవికి కూడా రాజీనామా చేస్తున్నట్లు ప్రకటించారు. రాజీనామా లేఖని స్పీకర్కి అందిస్తే, అది ఆమోదం పొందడం పెద్ద విషయమేమీ కాదు. సో, మునుగోడులో ఉప ఎన్నిక ఖాయమైపోయినట్లే. అందరికన్నా ముందుగా కాంగ్రెస్ పార్టీ, మునుగోడు ఉప ఎన్నికకు సంబంధించి ఓ కమిటీని కూడా ఏర్పాటు చేసేసుకుంది. కాంగ్రెస్ సీనియర్ నేతలకు ఈ కమిటీలో చోటు కల్పించారు.
బీజేపీకి కోమటిరెడ్డి రాజగోపాల్ రెడ్డి అమ్ముడు పోయారనీ, ఎంగిలి మెతుకులకు ఆశపడి రాజగోపాల్ రెడ్డి బీజేపీలోకి వెళుతున్నారనీ, కన్న తల్లి లాంటి సోనియాగాంధీకి ఆయన వెన్నుపోటు పొడిచారనీ రాజగోపాల్ రెడ్డి మీద రేవంత్ రెడ్డి తీవ్రస్థాయిలో విరుచుకుపడిపోయారు తెలంగాణ పీసీసీ అధ్యక్షుడు రేవంత్ రెడ్డి.
పదే పదే ‘అమ్మ సోనియాగాంధీ..’ అంటూ రేవంత్ రెడ్డి సంబోధించడం అందర్నీ విస్మయానికి గురిచేసింది. ఇదే సోనియాగాంధీని గతంలో, అంటే టీడీపీ నేతగా వున్న సమయంలో ‘దెయ్యం’ అని విమర్శించారు రేవంత్ రెడ్డి. రాజకీయం అంటేనే ఇంత.
ఇక, బీజేపీ కూడా మునుగోడు ఉప ఎన్నికకు సమాయత్తమవుతోంది. బీజేపీ నుంచే రాజగోపాల్ రెడ్డి పోటీ చేస్తారు. దుబ్బాక, హుజూరాబాద్లో గెలిచినట్టే మునుగోడులో కూడా గెలుస్తామంటోంది బీజేపీ. ఇంతకీ తెలంగాణ రాష్ట్ర సమితి సంగతేంటి.? ఆ పార్టీకంటూ కొన్ని వ్యూహాలున్నాయి. రాజగోపాల్ రెడ్డిని ఓడించి తాము గెలవడం పెద్ద కష్టమేమీ కాదన్న భావనలో టీఆర్ఎస్ వుంది.
మొత్తంగా చూస్తే మునుగోడు చుట్టూ హై ఓల్టేజ్ పొలిటికల్ హీట్ కనిపిస్తోంది. ఉప ఎన్నికలొస్తే, నియోజకవర్గం అభివృద్ధి చెందుతుందంటూ కోమటిరెడ్డి రాజగోపాల్ రెడ్డి చెప్పిన దరిమిలా, ఎన్నికల కోసం అధికార పార్టీ ఆ నియోజకవర్గానికి ప్రకటించే తాయిలాలు ఎలా వుంటాయో వేచి చూడాల్సిందే.
573826 351063Some genuinely good and utilitarian info on this site, as effectively I believe the style has got great attributes. 191225
213031 499603A thoughtful insight and tips I will use on my weblog. Youve clearly spent a lot of time on this. Thank you! 752419