ప్రేమించడం లేదని యువతిపై కత్తితో దాడి

కడప జిల్లా ప్రొద్దుటూరులో దారుణం జరిగింది. తాను ఎంతగానో ప్రేమించిన అమ్మాయి తనను ప్రేమించడం లేదని కక్ష కట్టిన సునీల్‌ అనే వ్యక్తి ఉన్మాదిగా మారి కత్తితో దాడి చేశాడు. దాంతో ఆ యువతి చావు బతుకుల మద్యలో ఉంది. ఆమెను కత్తితో పొడిచేందుకు ప్రయత్నించగా చేయి అడ్డం పెట్టడంతో ఆమె చేతి వేళ్లు తెగి ఊడి పడ్డాయి. శరీరంలో కూడా అక్కడక్కడ కత్తి గాట్లు పడ్డాయి. దాంతో ఆమె కు తీవ్ర రక్త స్త్రావం అయ్యింది. సునీల్ ను స్థానికులు అడ్డుకుని ఆమెను ఆసుపత్రికి తరలించారు.

రెండు నెలల క్రితమే సునీల్ పై యువతిని వేదిస్తున్నట్లుగా కేసు నమోదు అయ్యింది. అతడికి పోలీసులు ఆ సమయంలో కౌన్సిలింగ్ ఇచ్చి పంపించారు. గతంలో వాలంటీర్ గా చేసిన సునీల్ కొన్నాళ్ల క్రితం జాబ్‌ నుండి తప్పించారు. విధులు సక్రమంగా నిర్వహించడం లేదు అంటూ ఆయన్ను తప్పించినట్లుగా పేర్కొన్నారు. సునీల్‌ కు ఆ యువతి ఫేస్‌ బుక్ ద్వారా పరిచయం అయ్యింది. ఆ పరిచయంను ప్రేమగా మార్చేందుకు సునీల్ ప్రయత్నించాడు. కాని ఆమె మాత్రం ఒప్పుకోలేదు. దాంతో ఈ ఘటనకు పాల్పడ్డాడు. ప్రస్తుతం సునీల్‌ పరారిలో ఉన్నాడు. పోలీసులు అతడి కోసం వెదుకుతున్నారు.