చివరిగా ‘మహర్షి’ సినిమాలో కనిపించి ప్రేక్షకుల నుంచి కాంప్లిమెంట్స్ అందుకున్న అల్లరి నరేష్ సోలో హీరోగా మాత్రం హిట్ కోసం తెగ ట్రై చేస్తున్నాడు. కానీ కామెడీ సినిమాలు పెద్దగా హిట్ అవ్వడం లేదు. అందుకే ఈ సారి సినిమాలో కామెడీనే కాదు కథ కూడా ఉండాలని అన్నీ సెట్ చేసుకొని చేసిన సినిమా ‘బంగారు బుల్లోడు‘. కోవిడ్ తర్వాత థియేటర్స్ కి ప్రేక్షకులు వస్తుండడంతో నేడు ఈ సినిమాని రిలీజ్ చేశారు. మరి ఈ సినిమాతో అయినా ప్రేక్షకులను కడుపుబ్బా నవ్వించి అల్లరి నరేష్ హిట్ కొట్టాడో లేదో చూద్దాం..
కథ:
ఓపెన్ చేస్తే సీతానగరం.. అందులో మావుళ్ళమ్మ తల్లి బాగా ఫేమస్. పెళ్లి కానివారు ఎవరు ఆమెకి మొక్కుకున్నా వెంటనే పెళ్ళైపోతుంది. కానీ అదే ఊర్లో ఉంటున్న భవాని ప్రసాద్(అల్లరి నరేష్) అండ్ వాళ్ళ బ్రదర్స్ ఇద్దరికీ మాత్రం పెళ్లిళ్లు అవ్వవు. దానికి కారణం భవాని ప్రసాద్ తాత గారు(తనికెళ్ళ భరణి) చేసిన ఓ తప్పిదమని భవాని ప్రసాద్ కి తెలుస్తుంది. అందుకే ఆయన మనవళ్ళైన తమకి పెళ్లి కావట్లేదని తెలుసుకున్న భవాని ప్రసాద్ తాత చేసిన తప్పుని సరిదిద్ధి అమ్మవారికి పాప పరిహారం చేసుకోవాలి అనుకుంటాడు. ఇక అక్కడి నుంచి గ్రామీణ బ్యాంకు లో గోల్డ్ లోన్ డిపార్ట్మెంట్ లో పనిచేసే భవాని ప్రసాద్ ఎలాంటి ఎత్తులు వేసాడు? అమ్మవారి నగలకి – భవాని ప్రసాద్ కుటుంబానికి ఉన్న సంబంధం ఏంటి? అమ్మరి నగల విషయంలో భవాని ప్రసాద్ అలాంటి ఇబ్బందులు పడ్డాడు.? ఎలాంటి సమస్యల్లో ఇరుక్కున్నాడు? చివరికి అమ్మవారు కరుణించి భవాని ప్రసాద్ తప్పుల్ని క్షమించిందా? లేదా? అనేదే ఈ బంగారు బుల్లోడు కథ.
తెరమీద స్టార్స్..
తెరమీద మనకు అందరూ తెలిసిన నటీనటులే కనిపిస్తారు, అలాగే ఇది అల్లరి నరేష్ సినిమా అనగానే కూసిన కామెడీ ఆశిస్తారు.. కానీ అల్లరి నరేష్ నుంచి తెలిసిన నటీనటుల వరకూ ఎవరూ, ఏ సందర్భంలోనూ నవ్వించలేకపోయారు. అల్లరి నరేష్ కి కామెడీ కన్నా ఎమోషనల్ సీన్స్ ఎక్కువ ఉన్నాయి. అవి బాగా చేసాడు కానీ నవ్వించలేదు. హీరోయిన్ పూజ ఝవేరి కూడా కొన్ని చోట్ల ఓకే అనిపిస్తే, కొన్ని చోట్ల ఎబ్బెట్టుగా కనిపిస్తుంది. పెర్ఫార్మన్స్ కూడా సోసోగా ఉంది. స్వాతి ముత్యపు జల్లులలో సాంగ్ మాత్రం కాస్త గ్లామర్ డోస్ తో మాస్ ఆడియన్స్ ని ఆకట్టుకుంటుంది. వెన్నెల కిషోర్ ఉన్నది చాలా తక్కువ సేపు కానీ ఒకటి రెండు పంచ్ లు పేలాయి. పోసాని కృష్ణమురళి, ప్రవీణ్, ప్రభాస్ శ్రీను, రాజేష్, పృథ్వి లాంటి తదితరులు ఉన్నా పెద్ద ఉపయోగం లేకుండా పోయింది.
తెర వెనుక టాలెంట్..
ప్రమోషన్స్ లో భాగంగా నా సినిమాలన్నిటిలో కామెడీ ఉంటోంది కథ ఉండడం లేదు, అందుకే ఈ సారి ఓ కథతో ఈ సినిమా చేసాను అన్నారు మన అల్లరి నరేష్. అన్నట్టుగానే ఈ సినిమాలో ఓ చిన్న పాటి కథ, ఆ కథకి ఓ ఎమోషన్ ఉంది. అక్కడి వరకూ ఓకే కానీ ఆ ఎమోషన్ ని అల్లరి నరేష్ ఇమేజ్ తో బాలన్స్ చేసేలా చేయలేకపోవడం, అలాగే కామెడీ కూడా జీరో ఉండడం సినిమాకి బిగ్గెస్ట్ మైనస్. స్వతహాగా అల్లరి నరేష్ అంటే కామెడీ ఆశిస్తారు, కానీ ఇందులో మొదటి నుంచి చివరి దాకా చూసినా నవ్వుకుందాం అంటే ఒక్క ముక్క కామెడీ కూడా లేదు. డైరెక్టర్ గిరి ఎమోషన్ ని మొదటి రెండు మూడు సీన్స్ లో ఆడియన్స్ కి కనెక్ట్ చేసాడు, కానీ ఆ తర్వాత జరగాల్సిన స్టోరీలో ఏ మాత్రం ముందుకు వెళ్ళలేదు, రాసుకున్న కామెడీ వర్కౌట్ అవ్వలేదు, కథనంలో కొత్తదనం లేదు, ఆడియన్స్ ని హుక్ చేయలేదు. సెకండాఫ్ లో గెటప్ శీను తో లేడీ గెటప్ వేయించి ఓ జబర్దస్త్ ట్రాక్ చేయించారు. అలాంటివి ఆల్రెడీ బుల్లితెరపై చూసి ఎంజాయ్ చేసేస్తున్నారు, ఇక బిగ్ స్క్రీన్ పై చూడాల్సిన అవసరం ఏంటి, పోనీ నవ్వించగలిగారా అంటే అదీ లేదు. దాంతో ఆడియన్స్ బోరింగ్ బాబోయ్ బోరింగ్ అంటూ బయటకి వెళ్తారు.
చెప్పుకోదగినవి అంటే, సతీష్ ముత్యాల సినిమాటోగ్రఫీ.. పల్లె వాతావరణాన్ని బాగా చూపించి సినిమాకి ఆ ఫీల్ ని బాగా తెచ్చారు. సాయి కార్తీక్ మ్యూజిక్ కూడా అంతంతమాత్రమే అని చెప్పాలి. ఇక ఎడిటింగ్ అయితే మొదటి 10 నిమిషాల తర్వాత నుంచీ ప్రతీది లాగ్ లానే అనిపిస్తుంది. ఏకే ఎంటర్టైన్మెంట్స్ నిర్మాణ విలువలు బాగున్నాయి.
విజిల్ మోమెంట్స్:
– కథలో రాసుకున్న కీ ఎమోషన్, ఆ సీన్స్ లో తనికెళ్ళ భరణి నటన
– ఇంటర్వల్ ట్విస్ట్
బోరింగ్ మోమెంట్స్:
– కీ పాయింట్ తప్ప కథలో బలం లేకపోవడం
– కథనం
– నవ్వించలేకపోవడం
– బోరింగ్ గా సాగే నేరేషన్
– ఇది అల్లరి నరేష్ సినిమానేనా అనే ఫీల్ ని కలగజేయడం
– సోది అనిపించే కామెడీ ట్రాక్స్
విశ్లేషణ:
‘బంగారు బుల్లోడు’ – ఓ హిట్ సినిమా టైటిల్, అందులోనూ ఆ టైటిల్ వాడుకుంది అల్లరి నరేష్ మరియు జానర్ కూడా సీరియస్ కాదు, కామెడీ ఎంటర్టైనర్.. ఇన్ని చెప్పాక ప్రేక్షకులు 2 గంటల 9 నిమిషాల సినిమాలో ఓ గంటైనా హాయిహాగా నవ్వుకుంటాం అనుకొనే సినిమాకి వస్తారు, గంట ఏమో గానీ కనీసం ఒక నిమిషం పాటు కూడా సినిమాలో ఎక్కడా నవ్వించలేకపోవడం బాధాకరం. అల్లరి నరేష్ సినిమా అనే మార్క్ ని ఇంకా కిందకి తీసుకొచ్చేయడమే కాకుండా, అల్లరి నరేష్ సినిమా ఇంత దారుణంగా కూడా తీస్తారా అనే ఫీలింగ్ ని క్రియేట్ చేసి బయటకి పంపుతారు.
చూడాలా? వద్దా?: స్కిప్ చేసేయడమే బెస్ట్ ఆప్షన్.
తెలుగుబులెటిన్.కామ్ రేటింగ్ : 1/5
Whether anyone gamble for enjoyment or as a job, it’s vital that you perform chances prudently to avoid walking away
from the desk called a loser.
531084 783544Nowhere on the Internet is there this significantly quality and clear information on this topic. How do I know? I know because Ive searched this topic at length. Thank you. 933300
69748 732802Oh my goodness! a fantastic post dude. A lot of thanks However We are experiencing issue with ur rss . Dont know why Can not sign up to it. Could there be anybody locating identical rss difficulty? Anyone who knows kindly respond. Thnkx 987262
114005 284102I like this weblog its a master peace ! Glad I observed this on google . 160753