అహోబిలం రహదారిపై చిరుత విశ్రాంతి.. అదిరిపడ్డ ప్రయాణికులు

లాక్ డౌన్ కారణంగా అన్నీ బంద్ అవ్వడంతో అడవి మృగాలు జనావాసంలోకి రావడం, రోడ్ల మీద విహరించడం మొదలు పెట్టాయి. ఇప్పుడు సడలింపులతో మళ్ళీ జనజీవనం, ప్రయాణాలు మొదలయ్యాయి కానీ ఇంకా అడవి మృగాలు మాత్రం రోడ్ల మీద విహరిస్తుండడం తెలుగు రాష్ట్రాల ప్రజలను భయబ్రాంతులకు గుర్తి చేస్తోంది. తాజాగా, సోమవారం రాత్రి కర్నూలు జిల్లా, ఆళ్లగడ్డ – అహోబిలం రహదారి ఖాళీగా ఉందికదా అని నడిరోడ్డుపై ఓ చిరుత విశ్రాంతి తీసుకుంటోంది.

ఆళ్లగడ్డ – అహోబిలం రహదారిలో దుర్గమ్మ గుడి వద్ద వచ్చే తెలుగు గంగ కాల్వ వంతెన దాటిన వెంటనే రోడ్డుపై ఈ సంఘటన చోటు చేసుకుంది. ఆలా వెళ్తున్న ప్రయాణికులు, వాహనదారులు చిరుతను చూసి బెంబేలెత్తిపోయారు. వాహనాలన్నీ ఎక్కడికక్కడ ఆగిపోయాయి. తన విశ్రాంతి పూర్తయ్యాక చిరుత తనంతట తానే అక్కడి నుంచి వెళ్లడంతో గండం గట్టెక్కిందిరా బాబు అని ఊపిరి పీల్చుకున్న వాహనదారులు బయల్దేరి వెళ్లిపోయారు.