భార్యాపిల్లలను చంపి.. మరదలి మృతదేహంతో శృంగారం..

మనిషిలోని రాక్షసుడు ఎలా ఉంటాడో తెలియాలంటే నాగ్ పూర్ లోని అలోక్ మతుర్కర్ ను చూస్తే తెలుస్తుంది. కుటుంబ కలహాలు, ఇతరత్రా కారణాలతో అత్తతోపాటు భార్యాపిల్లలు, మరదలిని చంపేశాడు. ఆపై మరదలి మృతదేహంతో శృంగారం కూడా చేసి, అనంతరం ఆత్మహత్య చేసుకున్నాడు. ఈ ఘోరం నాగ్ పూర్ లో ఆదివారం రాత్రి చోటుచేసుకుంది. టైలరింగ్ పని చేసే అలోక్.. విజయను ప్రేమించి వివాహం చేసుకున్నాడు. వీరికి కొడుకు సాహిల్ (10), కుమార్తె పారి (14) ఉన్నారు. విజయ చెల్లెలు అమీషా.. అలోక్ కు టైలరింగ్ పనిలో సహాయంగా ఉండేది. అయితే, మూడు నెలల క్రితం ఆమె పని మానేసింది. ఎవరితో మాట్లాడినా అలోక్ తిట్టడం, కొట్టడం చేస్తున్నాడని చెప్పి పోలీసులకు ఫిర్యాదు కూడా చేసింది. ఈ క్రమంలో ఆమెపై పగ పెంచుకున్న అలోక్.. అందరినీ చంపేయాలని నిర్ణయించకున్నాడు. ముందుగానే మార్కెట్ లో కత్తులు కొని పెట్టుకున్నాడు. ఆదివారం రాత్రి తొలుత అత్త, మరదలు ఉంటున్న ఇంటికి వెళ్లాడు. అక్కడ ఇద్దరినీ చంపేశాడు. ఆపై మరదలి మృతదేహంతో శృంగారం చేశాడు. అనంతరం తన ఇంటికి వచ్చాడు. భార్యా పిల్లలను చంపేసి ఉరి వేసుకుని ఆత్మహత్య చేసుకున్నాడు. సోమవారం ఈ హత్యలు వెలుగులోకి వచ్చాయి. అమీషా మృతదేహం నగ్నంగా ఉండటంతోపాటు ఆమె ప్రైవేటు భాగాల వద్ద వీర్యం ఆనవాళ్లు గుర్తించారు. పోలీసులు కేసు నమోదు చేసి దర్యాప్తు చేస్తున్నారు.