భారతీయ జనతా పార్టీతో కలిసి వెళ్ళాలని జనసేన పార్టీ అధినేత పవన్ కళ్యాణ్ ఇప్పటికే ఓ నిర్ణయం తీసుకున్నారు. జనసేన అంటే పవన్ కళ్యాణ్, పవన్ కళ్యాణ్ అంటే జనసేన.. అంతకు మించి ఆ పార్టీలో ఇంకో ముఖ్య నేత గురించి మాట్లాడుకోలేని పరిస్థితి. సో, జనసేన అధినేత నిర్ణయం పట్ల చోటా మోటా నేతలెవరైనా అభ్యంతరం వ్యక్తం చేసినా ఉపయోగం లేదు. అయితే, జనసైనికుల్లో మాత్రం భిన్న స్వరాలు విన్పిస్తుండడం గమనార్హం.
మరీ ముఖ్యంగా, జనసైనికుల్లో మైనార్టీ వర్గానికి చెందినవారు పవన్ కళ్యాణ్ నిర్ణయం పట్ల షాక్కి గురయ్యారంటూ ఓ ప్రచారం తెరపైకి వచ్చింది. బీజేపీకీ, మైనార్టీలకీ కాస్త దూరం వున్న మాట వాస్తవం. అయితే, జనసేన – బీజేపీతో పొత్తుపెట్టుకోవడం ఇదే కొత్త కాదు. ఈ రెండు పార్టీల మధ్య ఇది రెండో సారి స్నేహం కుదిరింది.. అదెంత కాలం వుంటుందో ఇప్పుడే ఖచ్చితంగా ఓ అంచనాకి వచ్చేయలేం.
ఇంతకీ, బీజేపీతో కలవడం వల్ల జనసేన పార్టీకి వచ్చే లాభమేంటి.? అన్నది కాస్త ఆలోచించాల్సిన విషయమే. ఏ కోణంలో చూసినా, జనసేనకు బీజేపీతో లాభం లేదు. ఎందుకంటే, ఆంధ్రప్రదేశ్ విషయంలో బీజేపీ ఖచ్చితమైన అవగాహనతో వుంది. ప్రత్యేక హోదా సహా చాలా విషయాల్లో బీజేపీ మొండి వైఖరిని ప్రదర్శిస్తూనే వుంది. ఏ విషయంలోనూ రాష్ట్రానికి తగు రీతిలో సహకరించాలని బీజేపీ అనుకోవడంలేదు.
పార్టీకి రాష్ట్రంలో స్టేక్ ఎప్పటికీ రాదనే ఖచ్చితమైన అభిప్రాయంతో వుంది బీజేపీ. ఎక్కడిదాకానో ఎందుకు, రైల్వే జోన్ని విశాఖ కేంద్రంగా ఏర్పాటు చేస్తున్నట్లు ప్రకటిస్తూనే, అందులో ఆదాయం ఎక్కువగా వచ్చే వాల్టేర్ డివిజన్ని రెండు ముక్కలు చేసేశారు. ఇప్పటికీ ఆ రైల్వే జోన్ పనులు పూర్తిస్థాయిలో ముందుకు కదలలేదాయె. అమరావతి కేంద్రంగా నానా యాగీ జరుగుతోంటే, బీజేపీకి చెందిన ఢిల్లీ పెద్దలు చూసీ చూడనట్లు వ్యవహరిస్తున్నారు. అమరావతి పరిధిలో 17 మంది రైతులు ఆత్మహత్యలు చేసుకున్నా బీజేపీ అధినాయకత్వం పట్టించుకోకపోవడం గమనార్హం.
ఇవన్నీ పరిగణనలోకి తీసుకుంటే.. బీజేపీతో కలిసి వెళ్ళడం జనసేన పార్టీకి ముందు ముందు రాజకీయంగా ఇబ్బందులు తెచ్చిపెడ్తుందన్నది నిర్వివాదాంశం. ఇవన్నీ పవన్ కళ్యాణ్కి తెలియవని అనుకోలేం. కానీ, ఎందుకాయన బీజేపీతో వెళ్ళాలని నిర్ణయించుకున్నట్లు.? ఇదే మిలియన్ డాలర్ల ప్రశ్న. కాగా, బేషరతు మద్దతు అని జనసేన పైకి చెబుతున్నా.. కేంద్రం నుంచి ఓ ముఖ్యమైన విషయమై పవన్ హామీ పొందారనీ, అది రాష్ట్రానికి సంబంధించి అతి కీలకమైన అంశమనీ అత్యంత విశ్వసనీయ వర్గాల సమాచారాన్ని బట్టి తెలుస్తోంది.
465111 669258I dont normally check out these kinds of internet sites (Im a pretty shy person) – but even though I was a bit shocked as I was reading, I was undoubtedly a bit excited as effectively. Thanks for giving me a big smile for the day 956281
340747 297726This internet page may possibly be a walk-through like the data you wanted concerning this and didnt know who need to. Glimpse here, and you will surely discover it. 988682