Bahubali Animated Series: భారతీయ సినీ పరిశ్రమ మొత్తం తెలుగు సినిమా వైపు చూసేలా చేసిన సినిమాలు బాహుబలి (Bahubali) సిరీస్. రాజమౌళి (Rajamouli) దర్శకత్వంలో వచ్చిన రెండు సినిమాలు బాక్సాఫీస్ ను షేక్ చేశాయి. బాహుబలి-2 ఏకంగా వందల కోట్లు వసూలు చేసి ఔరా అనిపించింది. ఈక్రమంలో బాహుబలి-3 ఉంటుందా..? అనే ప్రశ్నలు ఎప్పటి నుంచో వస్తున్నాయి. దీనికి రాజమౌళి ఊహించని సర్ ప్రైజ్ అప్డేట్ ఇచ్చారు.
‘బాహుబలి- క్రౌన్ ఆఫ్ బ్లడ్’ (Bahubali Animated Series) పేరుతో యానిమేటెడ్ సిరీస్ తీసుకురానున్నట్టు ప్రకటించారు. దీంతో ఒక్కసారిగా అందరిలో ఆసక్తి నెలకొంది. ప్రకటన వెలువడిన కొద్దిసేపటికే టాప్ ట్రెండింగ్ అయింది. బాహుబలి సిరీస్ ప్రేక్షకుల్లో క్రియేట్ చేసిన ఇంపాక్ట్ కు ఇది నిదర్శనంగా నిలుస్తోంది.
బాహుబలి సినిమాను పలు రూపాల్లో తీసుకొచ్చే అవకాశం ఉందని రాజమౌళి గతంలో చెప్పినా స్పష్టత ఇవ్వలేదు. ఇప్పుడు రాజమౌళి ప్రకటన సంచలనం రేపుతోంది. సినిమాలోని పాత్రలను ఎలా తీసుకొస్తారు.. కొత్త పాత్రలు ఉంటాయా అనే ఆసక్తికి మరికొన్ని రోజులు ఎదురు చూడాల్సిందే.