ఓ వైపు ప్రపంచాన్ని కరోనా వైరస్ ముంచెత్తుతోంటే, ఇంకోపక్క గ్రామ వాలంటీర్ వ్యవస్థపై ప్రమోషన్ కార్యక్రమాన్ని షురూ చేసింది ఆంధ్రప్రదేశ్లోని వైఎస్ జగన్ ప్రభుత్వం. మనకున్న బలం ఏంటంటే.. అంటూ గ్రామ వాలంటీర్ల గురించి ప్రస్తావించారు ముఖ్యమంత్రి వైఎస్ జగన్ మోహన్రెడ్డి, కరోనా వైరస్ పట్ల అధికార యంత్రాంగాన్ని అప్రమత్తం చేయాల్సిన కార్యక్రమంలో. నిజమే, ఈ విషయంలో వైఎస్ జగన్ మోహన్ రెడ్డిని అభినందించి తీరాల్సిందే.
పార్టీ కార్యకర్తలకే గ్రామ వాలంటీర్లుగా అవకాశమిచ్చామని సాక్షాత్తూ ఎన్2 (అదేనండీ, వైఎస్సార్ కాంగ్రెస్ పార్టీలో వైఎస్ జగన్ నెంబర్ వన్ అయితే, తర్వాతి స్థానం నెంబర్ టూ కదా..) విజయసాయిరెడ్డి సెలవిచ్చి అగ్గి రాజేస్తే, విపక్షాల నుంచి ఎన్ని విమర్శలు వెల్లువెత్తాయనుకోండి.. అది వేరే సంగతి. ఆ గ్రామ వాలంటీర్లు ఇప్పుడు అక్కరకు వచ్చేలా వున్నారు. ఇంటింటికీ వెళ్ళి పరిస్థితుల్ని తెలుసుకుని, ప్రభుత్వానికి నివేదించగల సత్తా ఈ వాలంటీర్లకు వుంది. కానీ, ప్రపంచ మహమ్మారిగా మారిన కరోనా వైరస్, ఈ గ్రామ వాలంటీర్ల ద్వారా వ్యాప్తి చెందితేనో.? అన్న అనుమానాలూ లేకపోలేదు. ‘ఇంట్లోనే వుండండి.. తగిన వైద్యం తీసుకోండి..’ అంటూ కరోనా వైరస్ పట్ల అప్రమత్తత గురించి ప్రభుత్వాలు చెబుతున్నాయి.
ఈ నేపథ్యంలో అలా ఇంట్లో వుండేవారికి వైద్య సహాయం అందించడానికి వాలంటీర్లు బాగా ఉపయోగపడ్తారు. మరోపక్క, పరిస్థితి తీవ్రతను అంచనా వేసేలా వాలంటీర్లకు ప్రభుత్వం కరోనా వైరస్పై శిక్షణ ఇప్పించిందా.? ఒకవేళ ఇప్పటికే ఇప్పించకపోతే, ముందు ముందు శిక్షణ ఇప్పించేంత సయమం వుంటుందా.? అన్నది మిలియన్ డాలర్ల ప్రశ్న. అత్యవసర మందులు, తక్షణ వైద్య సహాయం.. వంటివి ఇంటింటికీ అందించడానికీ ఈ వాలంటీర్ల వ్యవస్థ ఉపయోగపడ్తుంది. కానీ, ఆంధ్రప్రదేశ్లో ఇప్పటికీ కరోనా వైరస్ పట్ల ప్రజల్లో పెద్దగా అవగాహన కన్పించడంలేదంటే, అది ప్రభుత్వ వైఫల్యంగానే చెప్పుకోవాలి.
స్థానిక ఎన్నికల మీద, కుల రాజకీయాల మీద పెట్టిన శ్రద్ధ.. ప్రజారోగ్యం మీద ముఖ్యమంత్రి పెట్టలేదన్న విమర్శల్ని అంత తేలిగ్గా తీసి పారేసే సందర్భం కాదిది. రాజకీయాల సంగతెలా వున్నా, గ్రామ వాలంటీర్ వ్యవస్థని అత్యంత సమర్థవంతంగా గనుక ఉపయోగించగలిగితే, వైఎస్ జగన్కి సెల్యూట్ చెయ్యాల్సిందే .
718257 410080I recognize there is a superb deal of spam on this web site. Do you want aid cleaning them up? I might assist in between courses! 68207
703882 190876Thank you a lot for sharing this with all folks you actually recognize what youre speaking about! Bookmarked. Please additionally talk more than with my web internet site =). We could have a hyperlink alternate arrangement among us! 695519