ఆంధ్రప్రదేశ్లో రాజకీయాలు అత్యంత పతనావస్థకు దిగజారిపోయాయి. అయినాగానీ, ఇంకా ఆ పతనం తాలూకు లోతుల్ని వెతికేందుకు ఏమాత్రం మొహమాటపడటంలేదు రాజకీయ నాయకులు. మరీ ముఖ్యంగా అధికార పార్టీకి చెందిన ముఖ్య నేతలు, ‘కరోనా’ మీద ఫోకస్ కంటే, రాజకీయాల మీద ఎక్కువ ఫోకస్ పెడుతుండడం గమనార్హం. మంత్రులు.. ముఖ్యమంత్రి సైతం ఇందుకు మినహాయింపేమీ కాదు. ఆంధ్రప్రదేశ్లో ఇప్పటికే అధికారికంగా 3 కరోనా పాజిటివ్ కేసులు నమోదయ్యాయి. జనం బిక్కుబిక్కుమంటున్నారు ఏ క్షణాన పరిస్థితి ఎలా ముంచుకొస్తుందో తెలియక.
ఈ పరిస్థితుల్లో జనానికి భరోసా ఇవ్వాల్సిన అధికార పార్టీ నేతలు, ముఖ్యంగా ప్రభుత్వంలో వున్నవారు.. నిస్సిగ్గుగా రాజకీయాలు చేస్తున్నారు. ఈ లిస్ట్లో ఆర్థిక మంత్రి బుగ్గన రాజేంద్రనాథ్రెడ్డికూడా చేరిపోవడం గమనార్హం. స్థానిక సంస్థల ఎన్నికలు ఆగిపోవడానికి రాష్ట్ర ఎన్నికల ప్రధాన అధికారి నిమ్మగడ్డ రమేష్కుమార్ కారణమనీ, ఇదంతా తెరవెనుకాల టీడీపీ ఆడిస్తున్న నాటకంలో బాగమేనని బుగ్గన ఆరోపించారు. సుప్రీంకోర్టు తీర్పుకి తనదైన భాష్యం చెప్పారు బుగ్గన. సరే, రాజకీయాలు మాట్లాడుకునేందుకు సమయం చాలానే వుంది. ఇప్పుడు రాష్ట్రం, దేశం మాత్రమే కాదు.. ప్రపంచమే సంక్షోభంలో పడింది.
ఓ పక్క, ‘యుగాంతం’ అనే పుకార్లు విన్పిస్తున్నాయి. ఈ సమయంలో, ప్రభుత్వం అత్యంత సమర్థవంతంగా పనిచేయాలి. అంటే, అధికారంలో వున్నవారు పూర్తిగా రాజకీయాల్ని పక్కన పెట్టేయాలి. కరోనా కట్టడి గురించి ఆలోచించాలి. ‘కరోనా గురించి తర్వాత మాట్లాడదాం..’ అంటూ ప్రెస్ మీట్లో రాజకీయాలు ఊదరగొట్టేశారు బుగ్గన రాజేంద్రనాథ్ రెడ్డి. ఉత్తరప్రదేశ్లో అక్కడి ప్రభుత్వం, కరోనా ఎఫెక్ట్ కారణంగా ఉపాధి కోల్పోయే రోజువారీ కూలీలకు వెయ్యి రూపాయల ఆర్థిక సహాయాన్ని ప్రకటించింది.
ఆర్థిక మంత్రిగా బుగ్గన రాజేంద్రనాథ్ రెడ్డికి ఆంధ్రప్రదేశ్లో అలాంటి నిర్ణయం తీసుకునే ధైర్యం వుందా.? లేదా.? పోనీ, అలాంటి ‘మంచి’ ఆలోచనలు చేయడంలేదు సరికదా.. ఈ చెత్త రాజకీయాలు అయినా చేయకుండా వుంటారా.? అంటే అదీ లేదు. అందుకే, నెటిజన్లు తిట్టిపోస్తున్నారు.. ‘బుగ్గనా.. ఈ చెత్త రాజకీయం మత్ కరోనా’ అంటూ సెటైర్లు వేస్తున్నారు. పాలకులు బాధ్యత మరిస్తే, ప్రజలు ఆ బాధ్యతల్ని పాలకులకు గుర్తు చెయ్యాలి కదా మరి.!
978910 274717Ive read several excellent stuff here. Definitely value bookmarking for revisiting. I surprise how much effort you put to create 1 of these outstanding informative site. 209421
587655 734794Hmm, I never thought about it that way. I do see your point but I believe a lot of will disagree 698305
373226 656653Definitely composed content material , thankyou for information . 650227
198611 426835Howdy very nice blog!!Guy .. Beautiful .. Superb. 355052