ఆశల పల్లకిలో వెళ్లిన వారు.. కన్నీరు మిగుల్చుకుని వస్తున్నారు

పొట్ట కూటికి అరబ్‌ దేశాలు పోతున్న భారతీయులు అక్కడ తీవ్రమైన ఇబ్బందులు పడుతున్నారు. వందల సంఖ్యలో తెలుగు వారు కూడా దుబాయితో పాటు పలు అరబ్‌ దేశాల్లో ఆర్థికపరమైన ఇబ్బందులు ఎదుర్కొంటూ వెనక్కు తిరిగి రాలేక అనారోగ్య సమస్యలతో బాధపడుతున్నారు.

కరోనా కారణంగా కోటి ఆశలతో వెళ్లిన వారు కుటుంబ సభ్యులకు కన్నీరు మిగిల్చి అక్కడ నుండి వెళ్లి వస్తున్నారు. కొందరు కనీసం డెడ్‌ బాడీ కూడా లభించకుండా కనుమరుగు అవుతున్నారు. దుబాయిలో కూలీ పనిక అంటూ వెళ్లిన వారు అక్కడ కనీసం తినడానికి తిండి లేక అవస్థలు పడుతున్నారు. తిరిగి దేశం వెళ్లేందుకు తమకు సాయం చేయాల్సిందిగా భారత ఎంబస్సీని కొన్ని వందల మంది ఈమద్య కాలంలో వేడుకున్న సంఘటనలు చాలా ఉన్నాయి.

పని చేస్తున్న కంపెనీలు కొన్ని జీతం ఇవ్వక పోవడంతో పాటు మరి కొందరికి కనీసం తినడానికి తిండి కూడా పెట్టక పోవడం వల్ల అక్కడ ఆకలి చావులకు మన వాళ్లు గురి అవుతున్నారు. అక్కడికి వెళ్లి నాలుగు రాళ్లు వెనకేసుకోవాలని భావిస్తున్న వారు ఇప్పుడు ఇక్కడే ఏదోలా బతికేద్దాం అనుకుంటున్నారు.