సాధారణంగా ఆరేళ్ల పిల్లలు ఏం చేస్తారు? బాగా అల్లరి చేస్తారు.. నాన్న కొనిచ్చిన బొమ్మలతో ఆడుకుంటారు. కానీ దక్షిణ కొరియాకు చెందిన బోరం మాత్రం.. అవే బొమ్మలతో లక్షలు సంపాదిస్తోంది. ఎలా అంటారా? ఆ బొమ్మల గురించి యూట్యూబ్ లో రివ్యూస్ చెబుతుంది. ఇంకా రకరకాల వీడియోలు చేసి లక్షలు పోగేస్తోంది. ‘బోరం టాయ్ రివ్యూస్’ అనే యూట్యూబ్ ఛానల్ ద్వారా ఈ చిన్నారి తన వీడియోలు పోస్ట్ చేస్తుంది.
ఈమెకు మొత్తం 3 కోట్లకు పైగా సబ్ స్క్రైబర్లు ఉన్నారు. మొత్తం రెండు యూట్యూబ్ ఛానళ్లను ఈమె నిర్వహిస్తోంది. బోరం టాయ్ రివ్యూస్ ఛానల్ కు 1.36 కోట్ల మంది సబ్ స్క్రైబర్లు ఉండగా.. మరో వీడియో బ్లాగ్ కు 1.76 కోట్ల మంది ఖాతాదారులున్నారు. ఈమె వీడియో చేసిందంటే చాలు.. గంటల వ్యవధిలోనే లక్షలాది వ్యూస్ వచ్చేస్తాయి. బోరం వీడియో ఎప్పుడొస్తుందా అని చాలామంది ఎదురు చూస్తుంటారు. ప్లాస్టిక్ టాయ్ కిచెన్ లో బోరం చేసిన ఇన్ స్టంట్ నూడుల్స్ వీడియో ఎంత పాపులర్ అయిందో తెలుసా? ఏకంగా ఆ వీడియోను 37.6 కోట్ల మంది వీక్షించారు.
ఇలా ఈ చిన్నారి దక్షిణ కొరియాలో విపరీతమైన ఫాలోయింగ్ సంపాదించేసింది. ఈ క్రమంలో కొన్ని వివాదాలకూ కేరాఫ్ అడ్రస్ గా నిలిచింది. బోరం వీడియోలు చిన్నారులపై ప్రతికూల ప్రభావం చూపిస్తున్నాయంటూ ‘సేవ్ ది చిల్డ్రన్’ అనే స్వచ్ఛంద సంస్థకు పలువురు పౌరులు ఫిర్యాదు చేశారు. నాన్న జేబులో నుంచి డబ్బులు కొట్టేసి రోడ్లపై కారు నడుపుతూ ఎలా తిరగాలో పేర్కొంటూ బోరం చేసిన వీడియోను ఉదాహరణగా చూపించారు. దీంతో ఆ సంస్థ పోలీసులకు ఫిర్యాదు చేసింది. కేసు కోర్టుకు వెళడంతో బోరం తల్లిదండ్రులను పిలిచి చీవాట్లు పెట్టింది.
ఈ నేపథ్యంలో అలాంటి వీడియోలను తమ యూట్యూబ్ ఛానల్ నుంచి తొలగించారు. లక్షలకు లక్షలు సంపాదిస్తున్న బోరం.. ఇటీవలే సియోల్ లోని ఖరీదైన ప్రాంతంలో ఏకంగా రూ.55 కోట్ల విలువ చేసే భవనం కూడా కొనుగోలు చేసింది. బోరం లాంటి బంగారు తల్లి మన ఇంట్లోనూ ఉంటే బాగుంటుందనిపిస్తోంది కదూ!
The-art von Verhandlungs eine Menge zu über das Pokerspiel und es verwendet ähnliche Fachwissen Zugleich.
529620 172649Fantastic artical, I unfortunately had some problems printing this artcle out, The print formating looks slightly screwed over, something you might want to appear into. 367165