రాశి ఫలాలు: సోమవారం16 ఆగస్ట్ 2021

పంచాంగం

శ్రీ ప్లవనామ సంవత్సరం దక్షిణాయనం వర్ష ఋతువు శ్రావణ మాసం శుక్లపక్షం

సూర్యోదయం: ఉ.5:46
సూర్యాస్తమయం: సా.6:24
తిథి: శ్రావణ శుద్ధ అష్టమి ఉ.7:28 వరకు తదుపరి నవమి
సంస్కృతవారం: ఇందువాసరః (సోమవారం)
నక్షత్రము: అనూరాధ రా.తె.3:30 వరకు తదుపరి జ్యేష్ఠ
యోగం: బ్రహ్మం ఉ.7:21 వరకు తదుపరి ఐంద్రం
కరణం: బవ ఉ.7:28 వరకు తదుపరి భాలవ సా.6:20 వరకు
వర్జ్యం: ఉ.8:54 నుండి 10:24 వరకు
దుర్ముహూర్తం: మ.12:31 నుండి 1:21 వరకు తదుపరి మ.3:02 నుండి 3:52 వరకు
రాహుకాలం: ఉ.7:30 నుండి 9:00 వరకు
యమగండం: ఉ.10:30 నుండి 12:00 వరకు
గుళికా కాలం: మ.1:54 నుండి మ.3:29 వరకు
బ్రాహ్మీ ముహూర్తం: తె.4:26 నుండి తె.5:14 వరకు
అమృతఘడియలు: సా.5:50 నుండి 7:19 వరకు
అభిజిత్ ముహూర్తం: ఉ11:55 నుండి 12:45 వరకు

ఈరోజు.(16-08-2021) రాశి ఫలితాలు

మేషం: బంధు మిత్రులతో ఆకస్మిక వివాదాలు కలుగుతాయి దూర ప్రయాణాలలో అప్రమత్తంగా వ్యవహరించాలి దీర్ఘ కాలిక ఆరోగ్యసమస్యలు భాదిస్తాయి. వృత్తి ఉద్యోగాలలో ఇతరులతో వివాదాలకు దూరంగా ఉండటం మంచిది. దైవ చింతన పెరుగుతుంది వ్యాపారాలు అంతగా కలిసిరావు.

వృషభం: జీవిత భాగస్వామితో దైవ సేవ కార్యక్రమాలలో పాల్గొంటారు. చిన్ననాటి మిత్రులతో కీలక విషయాలు చర్చిస్తారు స్ధిరాస్తి వ్యవహారాలలో నూతన ఒప్పందాలు కలసి వస్తాయి. నూతన వ్యాపారాలు ప్రారంభించిన ఆశించిన లాభాలు అందుకుంటారు. ఉద్యోగులకు ప్రోత్సాహకాలు అందుతాయి.నిరుద్యోగులకు ఉద్యోగ అనుకూలత కలుగుతుంది.

మిథునం: అవసరానికి సన్నిహితులు సాయం అందుతుంది సోదరులతో ఆస్తి వివాదాలు తొలగి ఊరట చెందుతారు. వాహన వ్యాపారస్తులు నూతన లాభాలు అందుకుంటారు. కుటుంబ వాతావరణం సందడిగా ఉంటుంది. వృత్తి ఉద్యోగాలలో హోదాలు పెరుగుతాయి. ఆకస్మిక ధనలాభ సూచనలున్నవి. గృహోపకరణాలు కొనుగోలు చేస్తారు.

కర్కాటకం: కుటుంబ సభ్యుల ఆరోగ్య విషయాలలో కొంత చికాకు తప్పదు. వృత్తి వ్యాపారాలు నిదానంగా సాగుతాయి చేపట్టిన వ్యవహారాలు మందకొడిగా సాగుతాయి.దూర ప్రయాణాలు సూచనలున్నవి ఇంటా బయట అప్రమత్తంగా వ్యవహరించాలి. ఉద్యోగమున అదనపు బాధ్యతలుంటాయి. ఆర్థికంగా కొంత నిరాశ తప్పదు.

సింహం: నూతన రుణ ప్రయత్నాలు చేస్తారు. బంధువులతో వివాదాలు కలుగుతాయి.తల్లి తండ్రుల ఆరోగ్యం విషయంలో అశ్రద్ధ చేయడం మంచిది కాదు. వృత్తి వ్యాపారాలలో గందరగోళ పరిస్థితులు ఉంటాయి. ఉద్యోమున అధికారుల నుండి ఒత్తిడి పెరుగుతుంది. నిరుద్యోగుల ప్రయత్నాలు ఫలించక నిరాశ పెరుగుతుంది.

కన్య: వృత్తి ఉద్యోగ యత్నాలలో విజయం సాధిస్తారు. సంఘంలో నూతన పరిచయాలు పెరుగుతాయి. చేపట్టిన పనులు అప్రయత్నంగా పూర్తిచేస్తారు. ఆధ్యాత్మిక సేవా కార్యక్రమాలలో పాల్గొంటారు. స్నేహితుల నుండి ఊహించని ధనలాభం కలుగుతుంది. వృత్తి వ్యాపారాలలో ఆర్ధిక పురోగతి సాధిస్తారు. నూతన వాహనాలు కొనుగోలు చేస్తారు.

తుల: బంధుమిత్రుల నుండి ఋణ ఒత్తిడి పెరుగుతుంది ముఖ్యమైన వ్యవహారాలలో కుటుంబ పెద్దల సలహాలు తీసుకుని ముందుకు సాగడం మంచిది. ప్రయాణాల వలన శారీరక శ్రమ పెరుగుతుంది. వ్యాపారామునకు పెట్టుబడులు సకాలంలో అందవు. వృత్తి ఉద్యోగాలలో అధిక శ్రమతో అల్ప ఫలితం పొందుతారు.

వృశ్చికం: కుటుంబ సభ్యుల ఆదరణ పెరుగుతుంది. అన్ని రంగాల వారికి అనుకూల వాతావరణం. విలువైన వస్తువులు కొనుగోలు చేస్తారు. భూ సంబంధిత క్రయ విక్రయాలలో ఆశించిన లాభాలు అందుకుంటారు. వృత్తి వ్యాపారములు పుంజుకుంటాయి. ఉద్యోగస్తులకు అధికారుల సహాయ సహకారాలు అందుతాయి.

ధనస్సు: సోదరులతో స్ధిరాస్తి వివాదాలు కలుగుతాయి. వృత్తి వ్యాపారమున నిరుత్సాహ వాతావరణం ఉంటుంది. కుటుంబ సభ్యులతో మాటపట్టింపులు ఉంటాయి దూర ప్రయాణాలలో మార్గ అవరోధాలు కలుగుతాయి. ఆధ్యాత్మిక సేవ కార్యక్రమాలలో పాల్గొంటారు. ఆర్థిక పరిస్థితి నిరాశ కలిగిస్తుంది.

మకరం: చేపట్టిన పనులు సకాలంలో పూర్తిచేస్తారు. సన్నిహితుల నుండి విలువైన విషయాలు సేకరిస్తారు. వృత్తి వ్యాపారాలలో కీలక నిర్ణయాలు తీసుకుంటారు. ఉద్యోగ విషయమై ఆశించిన మార్పులు చోటు చేసుకుంటాయి. కుటుంబ సభ్యులతో దైవ సేవ కార్యక్రమాలలో పాల్గొంటారు. ఆర్థిక అనుకూలత కలుగుతుంది.

కుంభం: ఆకస్మిక ధన లాభాలుంటాయి. కీలక వ్యవహారాలలో స్వంత నిర్ణయాలు తీసుకుని ముందుకుసాగుతారు. మిత్రుల నుండి శుభకార్య ఆహ్వానాలు అందుతాయి. స్ధిరాస్తి సంబంధిత వివాదాల నుంచి బయటపడతారు. వ్యాపారాలు ఉత్సాహంగా సాగుతాయి. వృత్తి ఉద్యోగాలలో పనికి తగిన గుర్తింపు లభిస్తుంది.

మీనం: ప్రయాణాలు వాయిదా వెయ్యడం మంచిది. తగినంత ఆదాయం లభించదు. చేపట్టిన పనులలో జాప్యం కలిగిన నిదానంగా పూర్తిచేస్తారు. కొన్ని వ్యవహారాలలో సన్నిహితుల నుండి మాటలు పడవలసి వస్తుంది. నూతన వ్యాపారాలు ప్రారంభానికి ఆటంకాలు కలుగుతాయి. వృత్తి ఉద్యోగాలలో పని ఒత్తిడి పెరుగుతుంది.