ఉభయ గోదావరి జిల్లాలో కోడి పందాల బరుల వద్ద సరికొత్త దోపిడీ. లక్షల్లో పందాలు కాస్తున్నారు ఔత్సాహికులైన పందెం రాయుళ్ళు. వాళ్ళని మోసం చేస్తున్నారు పందాల నిర్వాహకులు. కొన్ని చోట్ల అంతా సజావుగానే.. అంటే పద్ధతిగానే నడుస్తున్నా, చాలా చోట్ల దొంగనోట్లు హల్చల్ చేస్తున్నాయి.
కోడి పందాలపై నిషేధం వుంది. కానీ, సంప్రదాయం.. ముసుగులో ఈ ‘గ్యాంబ్లింగ్’ షరామామూలుగానే జరుగుతోంది. ఉభయ గోదావరి జిల్లాలతోపాటు, కృష్ణా అలాగే గుంటూరు జిల్లాల్లోనూ ఇతర జిల్లాల్లోనూ కోడి పందాల నిర్వహణ ఈ ఏడాది మరింత ఘనంగా జరుగుతోంది.
అధికార పార్టీ నేతలు ప్రతి యేడాదీ ఈ సంక్రాంతి కోడి పందాల ద్వారా కోట్లు వెనకేసుకోవడం అన్నది ఆనవాయితీగా వస్తోన్న వ్యవహారమే. అయితే, ఈసారి ప్రత్యేకత ఏంటంటే, దొంగ నోట్లను రంగంలోకి దించిన కొందరు.. మరింతగా లాభాలు ఆర్జిస్తున్నారన్న చర్చ ప్రముఖంగా వినిపిస్తోంది.
పందెం కాసినవాళ్ళు, గెలిచినవాళ్ళు.. తమ వద్దనున్న కరెన్సీని జాగ్రత్తగా చెక్ చేసుకోవాల్సి వస్తోంది. అయితే, అంత సమయం ఇవ్వకుండా, పందాల కోసం వచ్చిన సామాన్యుల్ని నిలువునా దోచేస్తున్నారు నిర్వాహకులు. ఇంతకీ, కోడి పందాల్ని అడ్డుకోవాల్సిన పోలీసులెక్కడ.? ఆ ఒక్కటీ అడక్కూడదంతే. ఎందుకంటే, అధికార పార్టీ నాయకులే దగ్గరుండి అన్ని వ్యవహారాలూ నడిపిస్తున్నారు మరి.
గుండాట తదితర వ్యవహారాలతో అధికార పార్టీ నేతలకు ఈసారి కనీ వినీ ఎరుగని రీతిలో కాసుల పంట పండుతోందట. ‘ఎన్నికల్లో కోట్లు ఖర్చు చేశాం.. ఇలాంటి సందర్భాల్లోనే వెనకేసుకోవాలి మరి..’ అన్నది రాజకీయ నాయకుల వాదనగా కనిపిస్తోంది.
చిత్రమేంటంటే, కోడి పందాల నిర్వహణలో పార్టీలకతీతంగా నేతలంతా కలిసి పని చేస్తుండడం. ఇందులో ఇతర పార్టీలకు.. ప్రధానంగా తెలుగుదేశం పార్టీ నేతలకూ వాటాలు బాగానే దక్కుతున్నాయట.
740666 962459Wonderful! This weblog looks just like my old 1! It is on a totally different subject but it has pretty significantly exactly the same layout and style. Excellent choice of colors! 214734
291840 391345Black Ops Zombies […]some men and women nonetheless have not played this game. Its hard to picture or believe, but yes, some folks are missing out on all with the enjoyable.[…] 408994
637416 269097Its essential to have having access to the understanding posted here 91919