Chiranjeevi : మెగాస్టార్ చిరంజీవి చివరగా భోళా శంకర్ సినిమాతో ప్రేక్షకుల ముందుకు వచ్చిన విషయం తెల్సిందే. ఆ సినిమా నిరాశ పరిచిన నేపథ్యంలో తదుపరి సినిమాకు కాస్త ఎక్కువ సమయం తీసుకున్నాడు. బింబిసార చిత్రంతో విమర్శకుల ప్రశంసలు దక్కించుకున్న దర్శకుడు వశిష్ఠ దర్శకత్వంలో చిరు విశ్వంభర సినిమా చేస్తున్న విషయం తెల్సిందే.
విశ్వంభర సినిమా షూటింగ్ ఇప్పటికే ప్రారంభం అయ్యింది. అయితే ఇప్పటి వరకు చిరంజీవి షూటింగ్ లో జాయిన్ అవ్వలేదు. ఇన్ని రోజులు చిరంజీవి లేని సన్నివేశాల చిత్రీకరణ చేసిన దర్శకుడు నేటి నుంచి చిరంజీవి పై కీలక సన్నివేశాల చిత్రీకరణ కు రెడీ అయ్యాడు.
నేటి నుంచి చిరంజీవి అన్నపూర్ణ స్టూడియో లో వేసిన ప్రత్యేక సెట్ లో జరుగుతున్న విశ్వంభర సినిమా షూటింగ్ లో పాల్గొంటున్నాడు. ఇటీవల చిరంజీవి జిమ్ లో వర్కౌట్స్ చేస్తున్న వీడియోను విడుదల చేసి విశ్వంభర కోసం రెడీ అవుతున్నా అంటూ పేర్కొన్నాడు. సినిమా ను వచ్చే ఏడాది సంక్రాంతికి విడుదల చేయబోతున్నట్లుగా ఇప్పటికే అధికారికంగా ప్రకటన వచ్చింది. ఈ సినిమా సోషియో ఫాంటసీ కథాంశంతో రూపొందుతున్నట్లుగా తెలుస్తోంది.