Venkatesh : సీనియర్ హీరో వెంకటేష్ మొన్న సంక్రాంతికి తీవ్రమైన పోటీ ఉన్నా కూడా సైంధవ్‌ సినిమా తో ప్రేక్షకుల ముందుకు వచ్చిన విషయం తెల్సిందే. సంక్రాంతి పోటీ తట్టుకోలేక పోవడంతో పాటు, కంటెంట్ విషయంలో సైంధవ్‌ నిరాశ పరిచిన విషయం తెల్సిందే. అందుకే వెంకీ తన నుంచి ప్రేక్షకులు కోరుకునేది ఇచ్చేందుకు రెడీ అవుతున్నాడు.
ఎఫ్‌2 మరియు ఎఫ్‌ 3 సినిమాలను అనిల్ రావిపూడి దర్శకత్వంలో వరుణ్ తేజ్ తో కలిసి చేసిన వెంకటేష్ ఇప్పుడు సోలోగా ఆయన దర్శకత్వంలో నటించేందుకు రెడీ అవుతున్నాడని సమాచారం అందుతోంది. ఇప్పటికే వీరిద్దరి కాంబోకు సంబంధించిన చర్చలు పూర్తి అయినట్లుగా తెలుస్తోంది.
అనిల్ రావిపూడితో సుప్రీమ్‌, రాజా ది గ్రేట్‌, ఎఫ్‌ 2, ఎఫ్‌ 3 సినిమాలను నిర్మించిన దిల్‌ రాజు తాజా చిత్రాన్ని నిర్మించేందుకు రెడీ అవుతున్నట్లుగా సమాచారం అందుతోంది. వెంకటేష్, దిల్‌ రాజు, అనిల్ రావిపూడి కాంబో మూవీ ఈ సమ్మర్ లోనే ప్రారంభం అయ్యే అవకాశాలు ఉన్నాయని సమాచారం అందుతోంది. ఎఫ్‌ 2 తరహా మంచి ఎంటర్‌ టైనర్‌ ను వెంకీ తో అనిల్ రావిపూడి రూపొందించే అవకాశాలు ఉన్నాయి.