Sridevi: 80వ దశకంలో ఆల్ ఇండియా నెంబర్ వన్ హీరోయిన్ అనిపించుకున్నారు అతిలోక సుందరి శ్రీదేవి (Sridevi). దక్షిణాదిలోనే కాకుండా హిందీలో సైతం తనదైన నటన, డ్యాన్సులతో హవా చూపించారు. ఇప్పుడామె బయోపిక్ పై సోషల్ మీడియాలో చర్చ జరుగుతోంది. దీనిపై ఆమె భర్త బోనీకపూర్ (Boney Kapoor) ఓ సినిమా ప్రమోషన్లో స్పందించారు.
‘శ్రీదేవి చాలా ప్రైవేట్ పర్సన్. అలానే జీవించింది. ఆమె వ్యక్తిగత విషయాలెప్పుడూ బహిర్గతం కాలేదు. అటువంటిది ఇప్పుడామె పర్సనల్ విషయాలు బయటకు చెప్పడం నాకు ఇష్టం లేదు. ఆమె బయోపిక్ కు నేను అంగీకరించను. నేను బతికుండగా ఇందుకు ఒప్పుకోన’ని తేల్చి చెప్పారు. దీంతో శ్రీదేవి బయోపిక్ పై వస్తున్న వార్తలకు చెక్ పెట్టినట్టైంది.
ప్రస్తుతం శ్రీదేవి బయోగ్రఫీని రచిస్తున్నారు ప్రముఖ రచయిత ధీరజ్. బాలనటి, హీరోయిన్, అవార్డులు, రివార్డులతోపాటు కొన్ని ఆసక్తికరమైన విషయాలతో పుస్తకం రాయనున్నారు. ‘ది లైఫ్ ఆఫ్ ఎ లెజెండ్’ (The life of a legend) పేరుతో పుస్తకం రానుంది. ఇందుకు శ్రీదేవి కుటుంబసభ్యుల పర్మిషన్ తీసుకున్నట్టు ధీరజ్ వెల్లడించారు.
Great article.