Actress: తమిళ నటి అరుంధతి నాయర్ (Arundhati Nair) రోడ్డు ప్రమాదానికి గురై ప్రస్తుతం ఆసుపత్రిలో చికిత్స పొందుతున్నారు. ప్రస్తుతం ఆమె ఆరోగ్యం విషమంగా ఉంది. మార్చి 14న ఓ ఇంటర్వ్యూకు హాజరై తమ్ముడితో స్కూటీపై వెళ్తూండగా ఓ కారు వేగంగా వారిని ఢీ కొట్టింది. ప్రమాదంలో వారిద్దరూ తీవ్రంగా గాయపడ్డారు. ప్రస్తుతం అరుంధతికి త్రివేండ్రంలోని అనంపూరి ఆసుపత్రిలో చికిత్స జరుగుతోంది. ప్రమాదంలో ఆమె తల, వెన్నుముకకు తీవ్ర గాయాలతోపాటు మెదడులో రక్తం గడ్డ కట్టింది.
ప్రస్తుతం ఆమెకు వెంటిలేటర్ పై చికిత్స అందుతోంది. 90రోజులు దాటినా ఆమె ఆరోగ్య పరిస్థితిపై క్లారిటీ ఇవ్వలేమని డాక్టర్లు అంటున్నారు. ఇంకా ఆమెకు పక్కటెముకలకు ఆపరేషన్ చేయాల్సి ఉంది. ఇప్పటికే 40లక్షలు ఖర్చయ్యాయని.. రోజుకు 2లక్షల అవసరమని.. దాతలు ఆదుకోవాలని ఆమె సోదరి ఆర్తి వేడుకుంటున్నారు. సాయం చేయాలని మలయాళ నటీమణులు సైతం వీడియో ప్రచారం చేస్తున్నారు. ‘పొంగి ఎజు మనోహర’ అనే తమిళ సినిమాతో ఎంట్రీ ఇచ్చి విజయ్ ఆంటోనీ సైతాన్ (తెలుగులో భేతాళుడు) లో నటించారు.