మూడేళ్ళ తర్వాత ‘పవర్ స్టార్’ పవన్ కళ్యాణ్ నుంచీ వస్తున్న ‘వకీల్ సాబ్‘ మూవీ ఏప్రిల్ 9న వరల్డ్ వైడ్ గా ప్రేక్షకుల ముందుకు రానుంది. ప్రస్తుతం జోరుగా ఈ చిత్ర ప్రమోషన్స్ జరుగుతున్నాయి. ఈ చిత్రంలో ఓ కీలక పాత్రలో నటించిన అంజలి “వకీల్ సాబ్” గురించి, ఈ చిత్రంలో తన పాత్ర గురించి తెలిపిన విశేషాలు ఆమె మాటల్లోనే..
డైరెక్టర్ వేణు శ్రీరామ్ మార్పులు చేసి చెప్పిన వకీల్ సాబ్ కథ ఎలా అనిపించింది?
వేణుశ్రీరాం గారు కలిసినప్పుడు పింక్ సినిమా రీమేక్ ని తెలుగు నేటివిటీకి తగినట్లు మార్పులు చేస్తున్నాం, కొత్తగా ఉంటుంది అని చెప్పారు. మార్పులు చేసిన కాన్సెప్ట్ లు బాగా నచ్చాయి.
పవన్ కళ్యాణ్ గారితో మొదటిసారి పనిచేయడం ఎలా ఉంది?
పవన్ కళ్యాణ్ గారితో నటించడం మొదట్లో కొన్ని రోజులు ఇబ్బందిగానే ఉండేది. దానికి కారణం ఆయన వస్తుంటే సెట్ లో పిన్ డ్రాప్ సైలెన్స్ ఉంటుంది. నేనేమో ఎక్కువగా మాట్లాడుతాను. నా వల్ల ఏదైనా డిస్ట్రబ్ అవుతారా అని చాలా భయపడ్డాను. పవన్ గారు చాలా ఇన్ పుట్స్ ఇస్తూ సినిమా చేయించారు. అయన ఇన్ పుట్స్ విన్నాక మన క్యారెక్టర్ మనం సరిగ్గా చేస్తే సరిపోతుందనిపించింది.
వకీల్ సాబ్ లో మీ పాత్ర ఎలా ఉంటుంది? ఎంత ప్రాధాన్యత ఉంటుంది?
నా క్యారెక్టర్ గురించి ఇప్పుడు ఎలాంటి వివరాలు చెప్పలేను. మొదటగా పవన్ గారితో సినిమా అనగానే జంప్ చేశాను. ఆ తర్వాతే నా క్యారెక్టర్ ఎలా ఉంటుందో అని ఆలోచించాను. చెప్పాలంటే పెద్ద హీరోతో పనిచేస్తున్నప్పుడు మన క్యారెక్టర్స్ కనపడవు. కానీ వకీల్ సాబ్ లో నా క్యారెక్టర్ కు ఒక స్థానం ఉంటుంది. నేను గతంలో కొన్ని గుర్తుండిపోయే క్యారెక్టర్స్ చేశాను. వాటిలో వకీల్ సాబ్ క్యారెక్టర్ తప్పకుండా ఉంటుందని చెప్పగలను.
కమర్షియాలిటీ కోసం వకీల్ సాబ్ లో చేసిన మార్పులు ఒరిజినల్ వెర్షన్ ఫీల్ ని ఎంత వరకూ క్యారీ చేస్తాయి?
వకీల్ సాబ్ ను పింక్ తో పోల్చితే, పింక్ కథలోని సోల్ అలాగే ఉంటుంది కానీ చేసిన మార్పులన్నీ ఆ మెయిన్ స్టోరీ చుట్టూ చేశారు. మహిళల మీద జరిగే అఘాయిత్యాల వార్తలు మనకు కామన్ అయి పోయాయి. మన ఇంట్లో ఇలాంటిది జరిగితే ఎలా రెస్పాండ్ అవుతాం అనేది చూపించడమే ఈ మూవీ హైలైట్.
కోర్టు సీన్స్ లో ప్రకాష్ రాజ్ గారితో పనిచేయడం ఎలా ఉంది?
వకీల్ సాబ్ ద్వారా ప్రకాష్ రాజ్ గారితో మరోసారి పనిచేసే అవకాశం వచ్చింది. నాకు – ప్రకాష్ రాజ్ కి మధ్య రెండు సీన్స్ ఉంటాయి. మన ఎదుట ఉన్న ఆర్టిస్ట్ బాగా నటిస్తేనే, మనకూ ఓ కసి వస్తుంది, అదే వాళ్లు ఫర్మార్మ్ సరిగా చేయకుంటే మనమూ డల్ అవుతాం. ప్రకాష్ రాజ్ గారితో పనిచేసినప్పుడు మనకూ ఆ ఎనర్జీ వస్తుంది.
వకీల్ సాబ్ ద్వారా ఇస్తున్న మెసేజ్ ఏంటి?
మీకు ఇష్టమైతే ఎస్ లేకుంటే నో చెప్పడం మీ ఛాయిస్. నో చెప్పకూడదు అని ప్రశ్నించే రైట్ ఎవరికీ లేదు. ఇష్టపడటం ఇష్ట పడకపోవడం అమ్మాయి నిర్ణయానికి వదిలేయాలి. సినిమాలోనూ పవన్ గారు ఇదే విషయాన్ని చెప్పబోతున్నారు.
సెట్లో పవన్ గారు మెచ్చుకున్న సందర్భాలు ఏమన్నా ఉన్నాయా?
ట్రైలర్ లో ‘ అవును డబ్బులు తీసుకున్నాం’ అనే డైలాగ్ చెప్పిన సీన్ చేశాక పవన్ గారు క్లాప్ కొట్టి నన్ను అప్లాజ్ చేశారు. సాధారణంగా పవన్ గారు అంత ఎక్స్ ప్రెసివ్ గా ఉండరు. కానీ ఆయన ప్రశంసించాక ఎక్కడలేని సంతోషం కలిగింది.
ఫెమినిజం, ప్రీ మ్యారిటల్ సెక్స్ లాంటి విషయాలు ఈ సినిమాలో ఉంటాయి. వాటిపై మీ అభిప్రాయం?
ప్రీమారిటల్ సెక్స్ అనేది వ్యక్తిగత విషయం. వారి వారి ఇష్టాలు, ఆలోచనల మీద ఆధారపడి ఉంటుంది. ఫెమినిజం అనే విషయాన్ని గుడ్ వేలో వాడితే మంచిదనేది నా ఉద్దేశం.
కెరీర్ ఎలా వెళ్తోంది మరియు మీ తదుపరి సినిమాల గురించి చెప్పండి?
ఏ నాయికైనా తన కెరీర్ ను ఎలా ప్లాన్ చేసుకుంటుంది అనే దానిపైనే ఆమె కెరీర్ ఆధారపడి ఉంటుంది. నాకు కెరీర్ లో ఎప్పుడూ గ్యాప్ లేకుండా నచ్చిన సినిమాలు చేసుకుంటూ వస్తున్నాను. నేను ఇప్పుడు ఏ దారిలో వెళ్తున్నానో భవిష్యత్ లోనూ అలాగే కంటిన్యూ చేస్తున్నాను. తెలుగు, తమిళంలో కొన్ని ఎగ్జైటింగ్ చిత్రాలు చేస్తున్నాను. వాటి వివరాలు త్వరలో చెబుతాను.