మెగాస్టార్ చిరంజీవి కుడిచేతికి శస్త్రచికిత్స జరిగింది. ఆయన కుడిచేతికి బ్యాండేజ్ ఉన్న పిక్స్ ప్రస్తుతం నెట్టింట్లో వైరల్ అవుతున్నాయి. కరోనా సెకండ్ వేవ్ సమయంలో ఆక్సిజన్ బ్యాంకుల ద్వారా సేవలు అందించిన మెగాభిమానులతో ఆదివారం చిరంజీవి హైదరాబాద్ లోని సీసీటీలో భేటీ అయ్యారు. ఈక్రమంలో ఆయన చేతికి శస్త్ర చికిత్స అయిన విషయం వెలుగులోకి వచ్చింది. ఈ కార్యక్రమంలో పాల్గొన్న చిరంజీవి కుడి చేతికి బ్యాండేజ్ ఉండటంతో అభిమానులు ఒకింత ఆందోళనకు గురయ్యారు.
చేతికి ఏమైనా గాయమైందేమోనని అభిమానులు అడగ్గా.. ‘అరచేతికి చిన్నపాటి సర్జరీ జరిగింద’ని చెప్పారు. కుడి చేతితో ఏ పని చేస్తున్నా.. కొంచెం నొప్పిగా, తిమ్మిరిగా ఉండటంతో వైద్యులను సంప్రదించినట్టు చిరంజీవి వెల్లడించారు. కుడి చేతి మణికట్టు దగ్గరలో ఉన్న మీడియన్ నర్వ్ మీద ఒత్తిడి పడటం వల్లనే అలా అనిపిస్తోందని.. దానిని ‘కార్పల్ టన్నెల్ సిండ్రోమ్’ అంటారని వైద్యులు వెల్లడించినట్లు పేర్కొన్నారు. అపోలో ఆసుపత్రిలో కాస్మొటిక్ సర్జన్ డాక్టర్ సుధాకర్రెడ్డి ఆధ్వర్యంలో చేతికి సర్జరీ జరిగిందని చెప్పారు.
45 నిమిషాల పాటు జరిగిన సర్జరీలో మీడియన్ నర్వ్ చుట్టుపక్కల ఉన్న టిష్యూలను సర్జరీ ద్వారా సరి చేసి.. ఒత్తిడి తగ్గించారని చిరంజీవి పేర్కొన్నారు. పదిహేను రోజుల తర్వాత కుడి చేయి మళ్లీ యథావిధిగా పని చేస్తుందని తెలిపారు. అభిమానులు ఆందోళన చెందొద్దని అన్నారు. ప్రస్తుతం ‘గాడ్ ఫాదర్’ షూటింగ్కి కాస్త విరామం ఇచ్చినట్లు వెల్లడించారు. కరోనా సెకండ్ సమయంలో ఆక్సిజన్ అందక ఇబ్బందులు పడుతున్న వారి కోసం రెండు తెలుగు రాష్ట్రాల్లో చిరంజీవి ఆక్సిజన్ బ్యాంకులు ఏర్పాటు చేసిన విషయం తెలిసిందే.
అభిమానులే ఈ ఆక్సిజన్ బ్యాంకులు నిర్వహణ, సిలిండర్లు అందించే సేవా కార్యక్రమాల్లో పాల్గొనడం విశేషం. ఈ నేపథ్యంలో అన్ని జిల్లాల మెగా అభిమాన సంఘాల ప్రతినిధులతో చిరంజీవి భేటీ అయ్యారు. ఈక్రమంలో తెలంగాణ జిల్లాల ఆక్సిజన్ బ్యాంకుల సేవలో పాల్గొన్న ప్రతినిధులను పిలిచి చిరంజీవి ప్రత్యేకంగా అభినందించారు. తన ఆశయాల్ని ముందుకు తీసుకెళ్తున్న అభిమానులకు చిరంజీవి కృతజ్ఞతలు తెలిపారు.
144670 988056great post. Neer knew this, thanks for letting me know. 217296
735249 705091Hello! Fantastic post! Please when I could see a follow up! 406454
506848 558363I found your weblog web site on google and check a couple of of your early posts. Proceed to maintain up the superb operate. I just additional up your RSS feed to my MSN Info Reader. In search of forward to reading extra from you later on! 183354