ప్రభువులు ఆహ్వానం పంపారు.. ఆ ప్రభువుల పాలన కారణంగా బాధితులైనవారు, ‘మా కష్టాలు తీర్చండి మహాప్రభో..’ అంటూ విన్నపాలు చేసుకోవడానికి సిద్ధపడాల్సిందే. సినీ పరిశ్రమ.. అన్ని రంగాల్లానే, ఆదీ ఓ ముఖ్యమైన రంగమే. ప్రభుత్వాలకి బోల్డంత ఆదాయాన్ని పన్నుల రూపంలోనో, ఇతర రూపాల్లోనో అందిస్తోన్న రంగమిది. సినీ రంగాన్ని కాపాడుకోవాల్సిన బాధ్యత ప్రతి ప్రభుత్వమ్మీదా వుంది.
ప్రపంచ సినిమాతో పోటీ పడే స్థాయికి తెలుగు సినీ పరిశ్రమ ఎదుగుతోందని అంతా భావిస్తోన్న తరుణంలో, కోలుకోలేని దెబ్బ తగిలింది తెలుగు సినీ పరిశ్రమకి. ఆంధ్రప్రదేశ్ ప్రభుత్వం, సినిమా టిక్కెట్ల ధరల్ని నియంత్రించాలని నిర్ణయం తీసుకోవడమే అందుక్కారణం. కేవలం ఓ వ్యక్తి మీద అక్కసు కారణంగా జగన్ సర్కార్, రాత్రికి రాత్రి సినిమా టిక్కెట్ల ధరల్ని తగ్గించింది. ఆ వ్యక్తి పవన్ కళ్యాణ్.. ఆ సినిమా ‘వకీల్ సాబ్’. అప్పటినుంచి ఇప్పటిదాకా, పెద్ద సినిమాలు భయపడాల్సిన పరిస్థితి.
కరోనా నేపథ్యంలో పెద్ద సినిమాల రిలీజులు వెనక్కి వెళ్ళిపోయాయ్. ఇప్పుడిప్పుడే సినీ పరిశ్రమ కోలుకునేందుకు సిద్ధమవుతోంది. ఈ క్రమంలో ఆంధ్రప్రదేశ్ ప్రభుత్వం నుంచి సినీ పెద్దలకు పిలుపు వచ్చింది. సినీ పెద్దలు వెళతారు, చర్చలు జరుపుతారు. చిన్నపాటి సన్మానాలూ జరుగుతున్నాయి. ‘మీకు ఏం కావాలన్నా చెప్పండి చేసేస్తాం..’ అని ప్రభువులు భరోసా ఇచ్చేస్తారు. ఆ తర్వాత కథ మళ్ళీ మొదటికొస్తుంది.
దేశంలో ఎక్కడా లేని దారుణమిది.. టిక్కెట్ రేట్లను, తమకు నచ్చని వ్యక్తుల సినిమాల కోసం తగ్గించడమనేది. ఏ ప్రభుత్వమూ ఇలాంటి చర్యలకు దిగదు. కానీ, ఆంధ్రప్రదేశ్ ప్రభుత్వం, చిత్ర విచిత్రమైన పద్ధతుల్ని తీసుకొచ్చింది. ప్రభువులు పిలిచారు కాబట్టి, ‘జీ హుజూర్..’ అంటూ వెళ్ళి హాజరవుతారా తెలుగు సినీ ప్రముఖులు.? వెళ్ళాలి, తప్పదు. ఎందుకంటే, సినీ పరిశ్రమ అంటే అద్దాల మేడ. చిన్న రాయి తగిలినా, డ్యామేజీ దారుణంగా వుంటుంది.
పెట్రోల్ ధర 110 రూపాయలకు చేరుకుంది. సినిమా టిక్కెట్ మాత్రం తగ్గించేయాలి. పన్నులు పెరుగుతాయ్.. జనానికి వాత పడుతుంది. కానీ, సినిమా మాత్రం తక్కువ ఖర్చుతోనే చూసేందుకు వీలు కల్పించాలి. థియేటర్ల నిర్వహణ ఈ రోజుల్లో ఎంత దారుణంగా వుందో ప్రభుత్వంలో వున్నవారికి తెలియదా.? సమస్య చాలా చాలా పెద్దది. అది ప్రభుత్వ పెద్దలచే సృష్టించబడినది. దానికి ప్రభువులు పరిష్కారం చూపిస్తారని ఆశిస్తే, అంతకన్నా హాస్యాస్పదం ఇంకోటుండదు. అయినను పోయి రావలె అమరావతికి.. ఇదీ సినీ పరిశ్రమ ప్రముఖుల ముందున్న ఓన్లీ ఆప్షన్.?
634104 300958Vi ringrazio, considero che quello che ho letto sia ottimo 170763
360003 797803Very clear site , regards for this post. 746464