ఎడ్ల బండిపై పెళ్లి మండపానికి..

బండెనక బండి కట్టి.. పదహారు బండ్లు కట్టి.. అనే రీతిలో హుషారుగా వస్తున్న ఈయన.. పెళ్లి చేసుకోవడం కోసం పెళ్లి మండపానికి వెళ్తున్నాడు. అదేంటి పెళ్లి మండపానికి కారులోనో లేదా గుర్రంపైనో లేదా గుర్రపు బండిపైనో వెళ్లాలి కదా? అనే సందేహం వస్తోందా? ఆయన కోరికకు తోడు.. పెట్రోలు రేట్లు పెరగడం కూడా ఈ ఏర్పాటుకు కారణం. ఉత్తరప్రదేశ్ లోని దేవరియా జిల్లా కుషౌరీ గ్రామానికి చెందిన ఛోటేలాల్ పెళ్లి నిశ్చయమైంది. తన గ్రామం నుంచి 35 కిలోమీటర్ల దూరంలో ఉన్న పక్రీ బజార్ లో పెళ్లి మండపానికి చేరుకోవడం కోసం ఇలా ఎడ్ల బళ్లు ఏర్పాటు చేసుకున్నాడు. తనకు చిన్నప్పటి నుంచి ఎద్దుల బండిపై వచ్చి వివాహం చేసుకోవాలనే కోరిక ఉండేదని.. పైగా ఇప్పుడు పెట్రోలు ధరలు కూడా పెరిగిపోయిన నేపథ్యంలో ఇది బాగుంటుందని ఇలా చేసినట్టు చెప్పాడు. అంతేకాకుండా ఈ విధానం వల్ల సంస్కృతీ సంప్రాదాయాలు కూడా పెంపొందుతాయని.. వాయుకాలుష్యం కూడా తగ్గుతుందని పేర్కొన్నాడు. ప్రస్తుతం సంక్షోభ సమయంలో ప్రతి ఒక్కరూ అనవసర ఖర్చుల తగ్గించుకోవాల్సిన అవసరం ఎంతైనా ఉందని అభిప్రాయపడ్డాడు.