కిమ్ సన్నబడ్డారు..

ఉత్తర కొరియా అధినేత కిమ్ జోంగ్ ఉన్ గురించి ఎప్పుడూ ఏదో ఒక వార్త వస్తూనే ఉంటుంది. ఆయనపై బోలెడు వదంతులు వినిపిస్తుంటాయి. అనారోగ్యంతో కిమ్ చనిపోయాడంటూ వార్తలు వచ్చాయి. అయితే, వారం తిరగక ముందే మీడియా ముందు ప్రత్యక్షమయ్యారు. ఓ కార్యక్రమంలో కంటతడి పెట్టి అందరూ ఆశ్చర్యపోయేలా చేశారు. తాజాగా కిమ్ సన్నబడి కనిపించారు. దీంతో ఆయన ఆరోగ్య పరిస్థితిపై సందేహాలు వ్యక్తమవుతున్నాయి. చాలాకాలం తర్వాత సోమవారం కిమ్ బయటకు వచ్చారు. ఆర్థిక సమావేశంలో హాజరయ్యారు. ఆ ఫొటోలు దక్షిణ కొరియా సీక్రెట్ ఏజెన్సీ ద్వారా బయటకు వచ్చాయి. ఆ ఫొటోల్లో కిమ్ రూపం చాలా మారిపోయింది. మొహం కూడా బాగా చిక్కిపోయినట్టయింది. శరీరం కూడా చాలా సన్నబడింది. అనారోగ్యానికి గురికావడంతో సర్జరీ చేయించుకున్నారని, అందుకే ఇన్నాళ్లూ బయటకు రాలేదనే అభిప్రాయాలు వ్యక్తమవుతున్నాయి.