మొదటి సినిమా ‘క్షణం’ తో సూపర్ హిట్ అందుకున్న డైరెక్టర్ రవికాంత్ పేరేపు దర్శకత్వంలో, ‘గుంటూరు టాకీస్’ తో గుర్తింపు తెచ్చుకున్న సిద్దు హీరోగా రూపొందిన సినిమా ‘కృష్ణ అండ్ హిస్ లీల’. లాక్ డౌన్ సమయానికే అన్ని పనులు పూర్తి చేసుకొని సమ్మర్ రిలీజ్ కి సిద్ధంగా ఉన్న ఈ సినిమాని థియేటర్స్ ఓపెన్ అయ్యే వరకూ వెయిట్ చేయడం కష్టమని భావించిన నిర్మాతలు ఓటిటి ఫ్లాట్ ఫామ్ నెట్ఫ్లిక్స్ ద్వారా నేడు రిలీజ్ చేశారు. మరి ఈ కృష్ణ లీలలు ఎలా ఉన్నాయో ఇప్పుడు చూద్దాం..
కథ:
‘కృష్ణ అండ్ హిస్ లీల’ కథ పలు మలుపులతో కూడుకున్న ఓ కన్ఫ్యూజ్డ్ బాచిలర్ అయిన కృష్ణ(సిద్దు) గాడి ప్రేమ కథ, కాదు ప్రేమ కథలు. అసలు కథలోకి వెళితే.. కృష్ణ తన ఫస్ట్ లవ్ అయిన సత్య(శ్రద్ధ శ్రీనాథ్) తో బ్రేకప్ అవుతుంది. ఆ తర్వాత కొద్ది రోజులకి రాధ(షాలిని వడ్నికట్టి)తో ప్రేమలో పడతాడు. ఎప్పుడైతే రెండోసారి ప్రేమలో పడతాడో అక్కడి నుంచీ మళ్ళీ కృష్ణ లైఫ్ గందరగోళంగా మారుతుంది. ఇక అక్కడి నుంచి కృష్ణ – రాధల ప్రేమ ఏమయ్యింది? వీరి ప్రేమలో ఎలాంటి ఇబ్బందులు వచ్చాయి అన్నదే మిగిలిన కథ.
తెర మీద స్టార్స్..
నటీనటుల పరంగా అందరూ వారి వారి పాత్రలకి న్యాయం చేశారు. స్పెషల్ గా చెప్పుకోవాల్సింది సిద్దు.. తన గుంటూరు టాకీస్ మూవీకి ఇందులో చేసిన కృష్ణ పాత్రకి ఏ మాత్రం సంబంధం ఉండదు. కృష్ణ పాత్రలో పూర్తి డిఫరెంట్ గా కనిపించడమే కాకుండా.. చాలా ఎనర్జిటిక్ గా ఈ రోల్ చేసాడని చెప్పచ్చు. ముఖ్యంగా చిన్న చిన్న ఎక్స్ ప్రెషన్స్ బాగా చేసాడు, అలాగే అక్కడక్కడా కామెడీ టైమింగ్ బాగుంది. హీరోయిన్స్ లో స్పెషల్ గా చెప్పుకోవాల్సింది షాలిని వడ్నికట్టి గురించి.. ప్రేమలో పడ్డ అమ్మాయిలో ఉండే రకరకాల షేడ్స్ ని షాలిని పర్ఫెక్ట్ గా చేసింది. తన పాత్రకి షాలిని ది బెస్ట్ అనిపించుకుంది. ఇక సిద్దుకి సీనియర్ గా బోల్డ్ అండ్ డేరింగ్ పాత్రలో శ్రద్ధ శ్రీనాథ్ బాగా చేసింది. కానీ తను చేసిన ‘జెర్సీ’ సినిమాలో కూడా తన పాత్రలోని షేడ్స్ కొంతమేర ఇలానే ఉంటాయి కాబట్టి ఆ పాత్రకి కాస్త సిమిలర్ గా కూడా అనిపిస్తుంది. సీరత్ కపూర్ తన పాత్రకి న్యాయం చేసి వెళ్ళిపోయింది. ఇక ఫుల్ లెంగ్త్ కమెడియన్ రోల్లో వైవా హర్ష అక్కడక్కడా కాస్త నవ్వించడానికి ట్రై చేసాడు.
తెర వెనుక టాలెంట్..
క్షణం లాంటి సూపర్ ఎంగేజింగ్ థ్రిల్లర్ తీసిన రవికాంత్ పేరేపు ఈ సారి కాంప్లికేటెడ్ లవ్ స్టోరీ తో ప్రేక్షకులను అంతగా మెప్పించలేకపోయాడు. ఈ కథ మొత్తం హీరో తన గర్ల్ ఫ్రెండ్స్ ని చీట్ చేసే పాయింట్ చుట్టూ తిరుగుతుంది. ఇలాంటి కథల్లో హీరో పాత్రని పాజిటివ్ గా చూపడం కాస్త కష్టం, ముఖ్యంగా కృష్ణ పాత్రకి రాసుకున్న మెయిన్ థీమ్ అందరినీ కన్విన్స్ చేసేలా లేదు. ఈ కథని కంప్లీట్ ఎంటర్టైన్మెంట్ గా చెప్పి ఉంటే ఇంకాస్త బెటర్ గా ఉండేది. సినిమాటోగ్రఫీ మాత్రం సూపర్బ్ అని చెప్పాలి. అలాగే శ్రీచరణ్ పాకాల పాటలు మరియు బ్యాక్ గ్రౌండ్ మ్యూజిక్ బాగుంది. కానీ అక్కడక్కడా ఉపయోగించిన ఫెమస్ తమిళ్ రాగ ‘అలై పాయుతే’ మాత్రం సెట్ కాలేదు. సినిమా ప్రారంభంలో వచ్చే ప్రణవ్ చాగంటి తెలుగు రాప్ సాంగ్ బాగుంది.
విజిల్ మోమెంట్స్:
– సిద్దు పెర్ఫార్మన్స్
– మ్యూజిక్ అండ్ బ్యాక్ గ్రౌండ్ మ్యూజిక్
– మోడరన్ టచ్ మేకింగ్ స్టైల్
బోరింగ్ మోమెంట్స్:
– సిద్దు పాత్రని బెటర్ గా డిజైన్ చేసి ఉండాల్సింది
– కామెడీ లేకపోవడం
విశ్లేషణ:
‘కృష్ణ అండ్ హిస్ లీల’ అనేది ఓ కాంప్లికేటెడ్ లవ్ స్టోరీ.. సరైన హీరో పాత్ర రాసుకొని ఉంటే ఇంకాస్త బెటర్ గా ఉండేది. అలాగే ఎంటర్టైనింగ్ గా చెప్పడానికి ట్రై చేసి ఉంటే చూసేవారు మరింత ఎంజాయ్ చేయగలిగేవారు. కామెడీ అనుకున్న స్థాయిలో లేకపోవడం వలన చాలా చోట్ల బోరింగ్ గా అనిపిస్తుంది.
చూడాలా? వద్దా?: థియేటర్స్ లో అయితే చూసే సినిమా కాదు, డైరెక్ట్ ఓటిటిలో రిలీజ్ అయ్యింది కాబట్టి మీ టైంని బట్టి టైం పాస్ కోసం చూడచ్చు.
తెలుగుబులెటిన్.కామ్ రేటింగ్ : 2/5
2061 827175Excellent publish from specialist also it will probably be a wonderful know how to me and thanks really much for posting this helpful data with us all. 458027
378885 597692Hello! I basically would like to give a huge thumbs up for the fantastic info youve here on this post. I may well be coming back to your weblog for far more soon. 487371