వైఎస్ జగన్ సర్కార్కి రికార్డు స్థాయిలో సలహాదారులున్నారు. వివిధ విభాగాల్లో వారంతా ప్రభుత్వానికి సలహాలు ఇవ్వాల్సి వుంటుంది. ఏ ప్రభుత్వానికి అయినా సలహాదారులు తప్పనిసరైపోయింది. అయితే, ఆ పోస్టుల్లో ‘అయినవారికి’ ప్రాధాన్యమివ్వడం ఇటీవలి కాలంలో ఎక్కువైపోయింది. రాజకీయంగా తమ ఎదుగుదలకు సహకరించినవారిని ఆ పదవుల్లో పెట్టుకోవడంపై చాలా విమర్శలున్నా.. ఈ ‘సలహాదారుల’ విషయంలో అధికార పార్టీల తీరు మారడంలేదు. చంద్రబాబు హయాంలోనూ ఈ తరహా విమర్శలు చాలానే వచ్చాయి. ఇప్పుడు వైఎస్ జగన్ హయాంలో అవి మరింత పెరిగాయి.
తాజాగా హైకోర్టు, సలహాదారుల విషయంలో వైఎస్ జగన్ సర్కార్కి మొట్టికాయలేసింది. నిన్న రాష్ట్ర డీజీపీ గౌతమ్ సవాంగ్, హైకోర్టుకి వచ్చారు. ఇలా ఆయన్ను హైకోర్టు పిలవడం ముచ్చటగా మూడోసారి. ఈసారి అక్రమ మద్యం కేసులకు సంబంధించి. అక్రమ మద్యం కేసుల్లో వాహనాల సీజ్ – విడుదల వ్యవహారాలపై గౌతమ్ సవాంగ్ని న్యాయస్థానం ప్రశ్నించింది. ‘దిగవస్థాయి అధికారులు, స్టేషన్ హౌస్ ఆఫీసర్లు చట్ట నిబంధనలు పాటించడంలేదన్నది హైకోర్టు ఆక్షేపణ.
అడ్వొకేట్ జనరల్ని వివరాలు కోరితే, ఏజీపీ కోర్టులో మెమో దాఖలు చేయడమేంటి.? ఇది న్యాయ సలహాదారుల వైఫల్యం కాదా.? అని ప్రశ్నించింది న్యాయస్థానం. కరోనా నేపథ్యంలో పోలీసుల తీరు బావుందని కొనియాడుతూనే, చిన్న చిన్న కేసుల్లో డీజీపీని కోర్టుకు పిలవాల్సిన పరిస్థితిని సలహదారులు కల్పిస్తున్నారని వ్యాఖ్యానించింది న్యాయస్థానం.
ఇటీవల చీఫ్ సెక్రెటరీ కూడా న్యాయస్థానం ఎదుట హాజరయిన విషయం విదితమే. ప్రభుత్వ కార్యాలయాలకు వైసీపీ జెండా రంగులు వేయడంపై హైకోర్టు పలుసార్లు మొట్టికాయలు వేసినా.. అధికారులు పట్టించుకోకపోవడం వివాదాస్పదమయ్యింది. మరోపక్క, ప్రతిసారీ హైకోర్టులో ప్రభుత్వానికి చుక్కెదురవుతుండడాన్ని జీర్ణించుకోలేకపోతున్న వైసీపీ నేతలు, కార్యకర్తలు.. ఏకంగా న్యాయవ్యవస్థపై జుగుప్సాకరమైన వ్యాఖ్యలు చేస్తున్నారు.
‘ప్రభుత్వానికి హైకోర్టు వ్యతిరేకం కాదు. ఏ వ్యక్తిమీదగానీ, ప్రభుత్వానికిగానీ న్యాయస్థానాలకు వ్యతిరేక భావనలు వుండవు..’ అని హైకోర్టు నిన్న వ్యాఖ్యానించడం గమనార్హం. ఇదిలా వుంటే, ప్రభుత్వంలో జరుగుతున్న లోటుపాట్లపై మీడియా సాక్షిగా కూడా సలహాదారులు బొక్కబోర్లా పడుతున్నారు. నేషనల్ మీడియాకి సంబంధించిన ఓ ఛానల్లో ఎల్జీ పాలిమర్స్ ఘటనపై చర్చ జరుగుతుండగా, ‘నాకేం సంబంధం’ అని ఓ ప్రభుత్వ సలహాదారుడు చేతులెత్తేసిన విషయం విదితమే.
631622 339284It is actually a cool and beneficial piece of information. Im glad that you simply shared this useful info with us. Please stay us informed like this. Thank you for sharing. 678501
1641 342750I was suggested this internet website by my cousin. Im not sure whether this post is written by him as nobody else know such detailed about my issue. You are incredible! Thanks! 181843