‘శాసన మండలి అంటే ఖర్చు దండగ వ్యవహారం. రాష్ట్రం ప్రస్తుతం వున్న ఆర్థిక సంక్షోభంలో శాసన మండలి నిర్వహణ కష్టతరమైన వ్యవహారం..’ అని రాష్ట్రంలోని అధికార పార్టీ, అసెంబ్లీ వేదికగా నినదించింది. ముఖ్యమంత్రి సైతం శాసన మండలిపై ఎంతటి తీవ్రమైన వ్యాఖ్యలు చేశారో చూశాం. శాసన మండలి రద్దు కోసం వైఎస్ జగన్ ప్రభుత్వం అసెంబ్లీలో తీర్మానం చేసి, కేంద్రానికి పంపిన విషయం విదితమే. కానీ, అదే శాసన మండలి విషయంలో ఇప్పుడు వైఎస్ జగన్ ప్రభుత్వ ఆలోచనలు మారినట్లే కన్పిస్తోంది.
టీడీపీకి గుడ్ బై చెప్పి వైసీపీలో చేరిన మాజీ ఎమ్మెల్సీ డొక్కా మాణిక్య వరప్రసాద్ (ఎమ్మెల్సీ పదవికి రాజీనామా చేసి వైసీపీలో చేరారు) తిరిగి వైసీపీ నుంచి శాసన మండలికి వెళ్ళనున్నారు. ఈ మేరకు ఆయన అభ్యర్థిత్వాన్ని నిన్ననే వైసీపీ ఖరారు చేసింది. శాసన మండలికి ప్రాతినిథ్యం వహిస్తోన్న పిల్లి సుభాష్ చంద్రబోస్, మోపిదేవి వెంకటరమణ ఇటీవల రాజ్యసభకు ఎంపికైన దరిమిలా, ఖాళీ అయిన సీట్లను భర్తీ చేసే పనిలో బిజీగా వుంది వైసీపీ. ‘శాసన మండలి వద్దన్నారుగా.. ఇప్పుడు ఈ కొత్త ట్విస్ట్ ఏంటి.?’ అంటూ సహజంగానే విపక్షాలు అధికార పార్టీని ప్రశ్నిస్తున్నాయి.
‘శాసన మండలి రద్దుకి కట్టుబడి వున్నాం. అయితే, ఇంకా శాసన మండలి లైవ్లోనే వుంది గనుక.. ఓ రాజకీయ పార్టీగా మేం చెయ్యాల్సింది మేం చేస్తున్నాం..’ అన్నది వైసీపీ వాదన. కాగా, కేంద్రం నుంచి శాసన మండలి రద్దు విషయమై సానుకూల స్పందన రావడంలేదనీ, ఈ నేపథ్యంలోనే శాసన మండలి విషయంలో వైసీపీ పునరాలోచనలో పడిందన్న చర్చ ఏపీ రాజకీయ వర్గాల్లో జరుగుతోంది. పైగా, శాసన మండలిలో త్వరలోనే వైసీపీకి పూర్తి మెజార్టీ రాబోతోంది. అదే జరిగితే, మండలిలోనూ వైసీపీకి తిరుగుండదు.
నిజానికి, మండలి రద్దు నిర్ణయం వైఎస్సార్సీపీ తొందరపాటు ఆలోచన అన్న అభిప్రాయం గతంలోనే రాజకీయ విశ్లేషకుల నుంచి వ్యక్తమయ్యింది. కేవలం ఇంగ్లీషు మీడియం విషయంలో తమ పంతం నెగ్గడంలేదనీ, రాజధాని విషయంలో తాము అనుకున్నది చేయలేకపోతున్నామనే అక్కసుతో మండలి రద్దు ఆలోచన వైఎస్ జగన్ ప్రభుత్వం చేసిందే తప్ప, మండలి ద్వారా మరికొంతమంది వైసీపీ నేతలకు అవకాశం కల్పించే వీలున్నప్పుడు.. మండలిని ఎందుకు వైసీపీ వద్దనుకుంటుంది.?
929554 483739I ran into this page accidentally, surprisingly, this really is a great web site. The internet site owner has done a terrific job writing/collecting articles to post, the information here is truly insightful. You just secured yourself a guarenteed reader. 688056
707940 832085Woh I like your articles , saved to fav! . 134710