తాను బతికున్నంత వరకు రైతుబంధు సాయం ఆగదని పలుమార్లు కుండ బద్దలు కొట్టిన తెలంగాణ సీఎం కేసీఆర్.. తాజాగా సాగుకు సంబంధించిన విషయాల్లో కీలక నిర్ణయాలు తీసుకున్నారు. ఎవరు ఏది పడితే అది పండించే పద్ధతి పోవాలని, మార్కెట్లో డిమాండ్ ఉన్న పంటలే పండించాలని స్పష్టంచేస్తున్నారు.
రైతులు ఏయే ప్రాంతాల్లో ఎంత మేర ఏ పంటలు పండించాలో ప్రభుత్వమే చెబుతుందని, ఈ ప్రకారమే రైతన్నలు నడుచుకోవాలని పేర్కొన్నారు. సర్కారు చెప్పిన పంటలు పండించిన రైతులకే రైతుబంధు సాయం అందుతుందని, వారి పంటలే మద్దతు ధరకు కొనుగోలు చేస్తామని ప్రకటించారు. దీంతో ఈ నియంత్రిత సాగుపై చర్చ మొదలైంది. ఇది కరెక్టా, కాదా అనే సందేహాలు వ్యక్తమవుతున్నాయి.
సరైన ప్రణాళికాబద్ధంగా వ్యవహరిస్తే ఇది మంచిదే అని ఎక్కువ మంది అభిప్రాయపడుతున్నారు. రైతులు ఇప్పటివరకు కొన్ని అంచనాలు, పరిస్థితుల ఆధారంగా పంటలు పండిస్తూ వస్తున్నారు. ఈ క్రమంలో ఒక్కోసారి ఎక్కువ మంది ఒకే పంట పడించడం వల్ల మార్కెట్లోకి అది ఎక్కువ రావడంతో ధర తగ్గుతోంది. అదే సమయంలో మరికొన్ని పంటలు అవసరానికన్నా తక్కువ పండిస్తుండటంతో వాటి ధర పెరుగుతోంది. ఒక్కోసారి కిలో టమాటాకి రూపాయి కూడా ధర రాదు. అదే ఒక్కోసారి మాత్రం ఏకంగా రూ.50 పెట్టాల్సిన పరిస్థితి. ఉల్లి విషయంలోనూ ఇలాంటి పరిస్థితే కనిపిస్తుంది.
ఈ నేపథ్యంలో రాష్ట్రంలోని రైతులందరినీ ఏకతాటిపైకి తెచ్చి, ఎవరు ఏ పంట పండించాలో నిర్ణయిస్తే.. ఎవరూ నష్టపోయే అవకాశం ఉండదనే అభిప్రాయం వ్యక్తమవుతోంది. అయితే, ఇది అంత ఆషామాషీ కాదని.. దీనిని అమల్లోకి తెచ్చే ముందు పెద్ద కసరత్తు చేయాల్సిన అవసరం ఉందని చెబుతున్నారు. తొలుత రాష్ట్ర ఆహార అవసరాలు ఏమిటి అనే విషయాన్ని పక్కాగా లెక్కించడంతోపాటు ఎగుమతులు, భవిష్యత్తు అవసరాలకు తగిన నిల్వలు ఉండేలా చూసుకుని ఆ మేరకు ఏయే పంటలు ఎంత పండించాలో నిర్ణయానికి రావాల్సి ఉంటుంది. అనంతరం ఆ మేరకు కార్యాచరణ రూపొందించుకుని, రైతులకు అవగాహన కల్పించి ముందుకు సాగాలి.
దీంతో ఏ పంట ఎంత అవసరమో అంతే పండించే వీలు కలుగుతుంది. తద్వారా ధరలు కూడా స్థిరంగా ఉంటాయి. అటు రైతులతోపాటు ఇటు ప్రభుత్వం, ప్రజలు కూడా నష్టపోయే అవకాశం ఉండదని వ్యవసాయరంగ నిపుణులు చెబుతున్నారు. ఈ విషయంలో తెలంగాణ ఇప్పటికే సర్వే కూడా పూర్తి చేసింది. రాష్ట్రంలో 77 శాతం మంది ఆహారం బియ్యమే అని తేల్చింది. ఈ నేపథ్యంలో ఈ వర్షాకాలం సీజన్ లో 50 లక్షల ఎకరాల్లో వరి, మరో 50 లక్షల ఎకరాల్లో పత్తి పండించాలని తెలంగాణ ప్రభుత్వం నిర్ణయించింది. ఈ విధానం విజయవంతమైతే మిగిలిన రాష్ట్రాలు ఇదే పద్ధతి అనుసరించే అవకాశం ఉంది.
175250 387512I come across your webpage from cuil and it is high quality. Thnkx for giving this sort of an incredible write-up.. 24161
790145 790234I actually thankful to uncover this site on bing, just what I was looking for : D too bookmarked . 961867
455853 516315I surely didnt comprehend that. Learnt a thing new today! Thanks for that. 120979