ప్రపంచ దేశాలన్నీ కరోనా వైరస్ దెబ్బకి విలవిల్లాడుతున్నాయి. 30 లక్షలకు చేరువగా వెళుతున్నాయి కరోనా పాజిటివ్ కేసులు. మృతుల సంఖ్య 2 లక్షలకు చేరుకోబోతోంది. అగ్రరాజ్యం అమెరికానే కరోనా దెబ్బకు కుదేలవడం గమనార్హం. అయితే, ఓ చిన్న దేశం స్వీడన్ మాత్రం కోరోనా వైరస్ (కోవిడ్19)పై పోరాటంలో సరికొత్త పంథా ఎంచుకుంది. వ్యాక్సిన్ల కోసం ఎదురుచూడటం తప్ప ఇంకేమీ చేయలేని ప్రస్తుత పరిస్థితుల్లో ప్రపంచ దేశాలన్నీ లాక్డౌన్ వైపు మొగ్గు చూపితే, స్వీడన్ మాత్రం ‘హెర్డ్ ఇమ్యూనిటీ’పై ఆశలు పెట్టుకుంది.
ఇప్పటికే ఆ ‘హెర్డ్ ఇమ్యూనిటీ’ కారణంగా సత్పలితాలు ఇస్తున్నట్లు నిపుణులు చెబుతున్నారు స్వీడన్ పబ్లిక్ హెల్త్ ఏజెన్సీ చీఫ్ ఎపిడమయాలజిస్ట్ ఆండ్రెస్ టెగ్నెల్. హై రిస్క్ గ్రూప్కి చెందిన వారిని కరోనా వైరస్ ఎక్స్పోజర్కి దూరంగా వుంచుతున్నామనీ, ఎవరైతే కరోనా వైరస్ని తట్టుకోగలరో వారి విషయంలో ఆంక్షలు లేవని టెగ్నెల్ పేర్కొన్నారు.
స్టాక్హామ్ లో ఈ హెర్డ్ ఇమ్యూనిటీ కారణంగా కరోనా వైరస్ అదుపులోనే వుందనీ, అలాగని కేసుల సంఖ్య తక్కువగా వుందనిగానీ, మరణాలు చోటు చేసుకోవడంలేదనిగానీ చెప్పబోమని ఆయన వివరించారు. నిజానికి ఈ తరహా ప్రయోగం ప్రమాదకరమని నిపుణులు అభిప్రాయపడుతున్నారు.
ప్రస్తుత పరిస్థితుల్లో ‘హర్డ్ ఇమ్యూనిటీ’తో ప్రయోజనాలే ఎక్కువన్నది స్వీడన్ హెల్త్ ఏజెన్సీ అభిప్రాయం. ఓ మనిషికి సాధారణంగానే ఇమ్యూనిటీ వుంటుంది. అది వైరస్లతో పోరాడుతుంది. పూర్తి ఆరోగ్యంతో, పూర్తి ఇమ్యూనిటీతో వున్నవారిలో వైరస్ ప్రభావం పెద్దగా వుండకపోవచ్చు.
ఓసారి వైరస్ ఆరోగ్యవంతుడైన వ్యక్తి శరీరంలోకి వచ్చాక, మన శరీరంలోని ఇమ్యూనిటీ సిస్టమ్ యాక్టివేట్ అవుతుంది. ఆ తర్వాత ఆ వైరస్ని శరీరం తట్టుకోగలగుతుంది. ఇది ప్రపంచ వ్యాప్తంగా వైద్యులు చెబుతున్నమాటే. అయితే, కరోనా వైరస్ ఒకరి నుంచి చాలామందికి చాలా చాలా వేగంగా విస్తరిస్తుండడమే అసలు ప్రమాదానికి కారణం.
సరిహద్దు దేశాల్లో లాక్డౌన్ అమల్లో వున్నా, అలాంటి లాక్డౌన్ ఆంక్షలేమీ లేకుండా స్వీడన్, హెర్డ్ ఇమ్యూనిటీపై ఫోకస్ పెడుతూ, కరోనా వైరస్ని అదుపులో పెట్టడం ఆశ్చర్యకరమే. అయితే, ఇది ప్రమాదకరమైన ప్రయోగమనీ, ఇమ్యూనిటీ తక్కువ వున్నవారు, వృద్ధులు, చిన్నారులు కరోనా వైరస్కి బలైపోవడం బాధాకరమని విమర్శకులు తమ విమర్శలకు పదును పెడుతున్నారు.
840360 628518Would adore to always get updated fantastic website ! . 163461
783276 854877Greetings! Quick question thats completely off topic. Do you know how to make your web site mobile friendly? My website looks weird when browsing from my apple iphone. Im trying to locate a template or plugin that may well be able to correct this issue. In the event you have any suggestions, please share. With thanks! 687885