టాలీవుడ్ తో పాటు సౌత్ ఇండస్ట్రీస్ మరియు నార్త్ లోనూ మంచి క్రేజ్ ఉన్న సినిమా ‘ఆర్ఆర్ఆర్’. దానికి కారణం దర్శకదిగ్గజం ఎస్ఎస్ రాజమౌళి – ఎన్.టి.ఆర్ – రామ్ చరణ్ కాంబినేషన్ లో రానున్న సినిమా కావడమే. ఇప్పటికే అనుకున్న రీతిలో సినిమా జరగకపోవడంతో 2020 నుంచి 2021 జనవరి సినిమా వాయిదా వేశారు. కరోనా ఎఫెక్ట్ వలన లాక్ డౌన్ ఎప్పుడు ఎత్తుతారో తెలియకపోవడం వలన మళ్ళీ సినిమా రిలీజ్ వాయిదా పడే అవకాశం లేకపోలేదని రాజమౌళినే తెలిపారు.
లాక్ డౌన్ టైంలో పలు ఇంటర్వ్యూస్ ఇస్తున్న రాజమౌళి తాజాగా ఆర్ఆర్ఆర్ సెట్లో అత్యంత కష్టమైన విషయాన్ని తెలిపారు. ‘ఎన్.టి.ఆర్, రామ్ చరణ్ సెట్లో ఉంటే అల్లరికి కొదవే ఉండదు. తారక్ కనిపించేలా అల్లరి చేస్తే, రామ్ చరణ్ కనిపించకుండా అల్లరి చేస్తాడు. ఆర్ఆర్ఆర్ సెట్లో నాకు టఫ్ టాస్క్ అంటే వారిద్దరినీ ఒక పొజిషన్ లో నిలబెట్టి ఆ సీరియస్ మూడ్ లోకి తీసుకెళ్లడం నాకు చాలా కష్టమైన పని. ఎవరో ఒకరు గిల్లుకో కొడవడమే, వెక్కిరించుకోవడమో జరుగుతూనే ఉంటుంది. తారక్ కి సీరియస్ గా చెబుతుంటే చరణ్ నవ్వుతూ పేస్ పెడతాడు. ఇలా వాళ్ళని సెట్ చేసి షాట్ తీయడం కొన్నిసార్లు బాగా కష్టమైన పనని’ రాజమౌళి తెలిపారు.
ఈ సినిమాలో రామ్ చరణ్ అల్లూరి సీతారామరాజులా కనిపిస్తుంటే, ఎన్.టి.ఆర్ కొమరం భీమ్ గా కనిపించనున్నాడు. ఇటీవలే విడుదలైన రాజు టీజర్ పెద్ద సెన్సేషన్ అయ్యింది. అలాగే ప్రస్తుతం ఈ చిత్ర టీం భీం టీజర్ కోసం కసరత్తులు చేస్తోంది. ఎంఎం కీరవాణి మ్యూసిక్ అందిస్తున్న ఈ భారీ బడ్జెట్ ఫిల్మ్ ని డివివి దానయ్య నిర్మిస్తున్నారు.
819670 958144Rattling clean internet website , appreciate it for this post. 714368
188136 506656Hi, you used to write excellent posts, but the last several posts have been kinda boring I miss your great posts. Past few posts are just a bit bit out of track! 998214