డెవిల్ టైటిల్ తో ప్రభాస్ సినిమా ?

ఏంటి టైటిల్ వింటుంటే .. చాలా క్రేజీ గా ఉంది కదా !! ఎస్ .. డెవిల్ అన్న పేరులోనే ఎదో మ్యాజిక్ ఉంది .. ఇప్పుడు ఇదే టైటిల్ తో సినిమా చేయడానికి రెడీ అవుతున్నాడు రెబెల్ స్టార్ ప్రభాస్ ? బాహుబలి సినిమాతో పాన్ ఇండియా స్టార్ గా మారిపోయిన ప్రభాస్ కోసం ఇప్పుడు భారీ ప్రాజెక్ట్స్ పట్టాలు ఎక్కించేందుకు సన్నాహాలు జరుగుతున్నాయి. ఇప్పటికే ప్రభాస్ కోసం పలువురు దర్శక నిర్మాతలు క్యూ లో ఉన్నారు. తాజాగా ప్రభాస్ ఓ డియర్ అనే సినిమా చేస్తున్న సంగతి తెలిసిందే. జిల్ ఫేమ్ రాధా కృష్ణ దర్శకత్వంలో తెరకెక్కుతున్న ఈ సినిమా రెండో షెడ్యూల్ ప్రస్తుతం ఫిలిం సిటీ లో జరుగుతుంది.

బాహుబలి లాంటి సంచలన సినిమా తరువాత అదే రేంజ్ లో సాహో అంటూ దాదాపు 300 కోట్ల బడ్జెట్ తో చేసిన ప్రయత్నం ఆశించిన స్థాయిలో సక్సెస్ కాకపోవడంతో ప్రభాస్ టెన్షన్ పడ్డాడు .. ఆ తరువాత తాను చేస్తున్న లేటెస్ట్ సినిమా విషయంలో తగు జాగ్రత్తలు తీసుకుంటున్నాడు. అయితే ప్రభాస్ తో సినిమా చేయడానికి అర్జున్ రెడ్డి ఫేమ్ సందీప్ వంగ చేస్తున్న ప్రయత్నమే డెవిల్? అర్జున్ రెడ్డి సినిమాతో ఒక్కసారిగా టాలీవుడ్ లో సంచలనం రేపిన ఈ దర్శకుడు ఆ తరువాత అదే సినిమాను హిందీలో కబీర్ సింగ్ పేరుతొ రీమేక్ చేసి అక్కడ ఎవరు ఊహించని కమర్షియల్ విజయాన్ని అందుకున్నాడు. అప్పటి వరకు సింగిల్ డిజిట్ హీరోగా ఉన్న షాహిద్ కపూర్ ను ముప్పై కోట్ల హీరోగా మార్చేశాడు సందీప్.

అయితే కబీర్ సింగ్ సమయంలోనే ప్రభాస్ తో చర్చలు జరిపాడు సందీప్. సందీప్ చెప్పిన కథ .. డెవిల్ అన్న టైటిల్ బాగా నచ్చడంతో ఈ కథ చేద్దామని చెప్పాడట. ఆ తరువాత ఆ స్క్రిప్ట్ డెవలప్ చేసి రెడీ అయ్యాడు దర్శకుడు. అయితే ప్రభాస్ తాను చేస్తున్న ఓ డియర్ సినిమాకు ఇంకా సమయం పట్టేలా ఉండడంతో .. ఈ దర్శకుడు ఈ లోగా మరో సినిమా చేసేందుకు సన్నాహాలు చేస్తున్నాడు. అన్నట్టు ఈ చిత్రాన్ని మైత్రి మూవీ మేకర్స్ తో కలిసి టి సీరీస్ కంపెనీ నిర్మిస్తుందని, ఇదికూడా పాన్ ఇండియా సినిమాగా తెరకెక్కుతోందని టాక్. సో డెవిల్ సెట్స్ పైకి రావాలంటే జూన్ దాకా ఆగాల్సిందే.