భారత అంతరిక్ష పరిశోధనా సంస్థ ఇస్రో అత్యంత ప్రతిష్టాత్మకంగా చేపట్టిన చంద్రయాన్‌-2 ప్రాజెక్టుకి సంబంధించి ఇంకా గందరగోళం కొనసాగుతూనే వుంది. ప్రాజెక్టు 90 శాతం సక్సెస్‌ అయ్యిందని కొందరు అంటోంటే, 90 శాతం కాదు.. 98 శాతం సక్సెస్‌ అయ్యిందని మరికొందరు అంటున్నారు. 98 శాతం కూడా కాదు, 100 శాతం సక్సెస్‌ అయ్యిందని ఇంకొందరు అభిప్రాయపడుతున్నారు.
భూమి మీద నుంచి చంద్రుడి మీదకు ఆర్బిటర్‌ పంపడం, ఆ ఆర్బిటర్‌తోపాటుగా ఓ ల్యాండర్‌ని చంద్రుడి మీదకు క్షేమంగా దించడం, ఆ ల్యాండర్‌ నుంచి ఓ రోవర్‌ బయటకొచ్చి, చంద్రుడి మీద నడుచుకుంటూ వెళ్ళడం.. ఇదీ చంద్రయాన్‌-2 ప్రాజెక్ట్‌కి సంబంధించి కంప్లీట్‌ టార్గెట్స్‌. చంద్రయాన్‌-1 పేరుతో గతంలోనే ఇస్రో ఓ ప్రాజెక్టు చేపట్టింది. అది చంద్రుడికి దగ్గరగా వెళ్ళింది.. ప్రపంచం ఇప్పటిదాకా కనుగొనలేని చాలా విషయాల్ని చంద్రయాన్‌-1 ప్రపంచానికి తెలియజేసింది.
ప్రపంచంలో పలు దేశాలు చంద్రుడి మీదకు మనిషుల్ని పంపినా వెలుగు చూడని విషయాలు చంద్రయాన్‌-1తో బయటకొచ్చాయి. ఒకవేళ చంద్రయాన్‌-2 అనుకున్నట్లుగా సక్సెస్‌ అయి వుంటే, పరిస్థితి ఇంకోలా వుండేది. ఇదిలా వుంటే, తాజాగా నాసా, చంద్రయాన్‌-2 ప్రాజెక్టుకి సంబంధించి ఆసక్తికరమైన విషయాల్ని వెల్లడించింది. చంద్రుడి ఉపరితలంపై విక్రమ్‌ ల్యాండర్‌ హార్డ్‌ ల్యాండ్‌ అయినట్లు స్పష్టం చేసింది. దానికి సంబంధించి కొన్ని వివరాల్ని కూడా ఫొటోల రూపంలో వెల్లడించింది. ఆ ఫొటోల్లో విక్రమ్‌ ల్యాండర్‌ స్పష్టంగా కన్పించడంలేదు.
అయితే, అక్టోబర్‌లో ఇంకోసారి నాసా ఉపగ్రహం విక్రమ్‌ ల్యాండర్‌ హార్డ్‌ ల్యాండ్‌ అయిన ప్రాంతం వైపు వెళ్ళి ఫొటోలు తీస్తుంది గనుక, అప్పుడు పూర్తి స్పష్టత వచ్చే అవకాశం వుంది. చంద్రుడిపై దిగిందా.? గాల్లోనే పేలిపోయిందా.? అన్న అనుమానాలకు తాజా ఫొటోలతో కొంత నివృత్తి లభించింది. చంద్రుడిపై విక్రమ్‌ ల్యాండర్‌ దిగింది. ఈ విషయాన్ని ఇస్రో ఇప్పటికే అధికారికంగా నిరూపించినా, ఆధారాలు మాత్రం వెల్లడించలేదు. విక్రమ్‌ ల్యాండర్‌పై ఆశల్లేవు. అందులోని ప్రగ్యాన్‌ రోవర్‌ గురించి మాట్లాడుకునే పరిస్థితి లేదు.
కానీ, చంద్రుడి కక్ష్యలో ఇంకా చంద్రయాన్‌-2 ప్రాజెక్టుకి సంబంధించిన ఆర్బిటర్‌ తిరుగుతూనే వుంది. దానర్థం, ప్రాజెక్టు విజయవంతమైనట్లే.. కానీ, 100 శాతం విజయవంతమవలేదు. అత్యంత క్లిష్టతరమైన ప్రయోగాల సమయంలో చిన్న చిన్న ఇబ్బందులు మామూలే. ఈ సమస్య నేర్పిన పాఠాలతో భవిష్యత్తులో ఇస్రో మరిన్ని అద్భుతమైన విజయాలు సాధించాలని ఆశిద్దాం.
713290 363700Im sure your publish and internet web site is extremely constructed 54673