CSK: ఐపీఎల్‌ ఫైనల్ లోకి మళ్లీ చెన్నై సూపర్ కింగ్స్ దూసుకు వెళ్లింది. గుజరాత్ టైటాన్స్ తో జరిగిన క్వాలిఫయర్ 1 మ్యాచ్ లో 15 పరుగుల తేడాతో చెన్నై సూపర్ కింగ్స్ విజయాన్ని సొంతం చేసుకుని నేరుగా ఫైనల్ కి చేరింది. మరో ఫైనల్ ప్రత్యర్థి క్వాలిఫయర్ 2 మ్యాచ్ తో ఎవరు అనేది తేలబోతుంది.
మహేంద్ర సింగ్ ధోనీ కెప్టెన్సీ లో చెన్నై సూపర్ కింగ్స్ జట్టు ఎన్నో అద్భుత విజయాలను సొంతం చేసుకుంది. ఈ సీజన్ ధోనీకి చివరిది అనే ప్రచారం జరుగుతున్న నేపథ్యంలో క్వాలిఫయర్ 1 మ్యాచ్ ని చూడటానికి పెద్ద ఎత్తున చెన్నై సూపర్ కింగ్స్ ఫ్యాన్స్ తరలి వచ్చారు. భారీ అభిమాన సందోహం మద్య చెన్నై సూపర్ కింగ్స్ జట్టు గుజరాత్ పై విజయాన్ని సొంతం చేసుకుని ఫైనల్ కి చేరింది.
పదవ సారి ఫైనల్ లో నిలిచిన చెన్నై సూపర్ కింగ్స్ అయిదవ ఐపీఎల్‌ ట్రోఫీకి అడుగు దూరంలో నిలిచింది. ఈ సారి ఐపీఎల్‌ ని గెలిచి సగర్వంగా ధోనీ వైదొలగాలని అభిమానులు కోరుకుంటున్నారు. అదే జరగబోతుందని తాజా ఫలితాన్ని బట్టి అర్థం అవుతోంది. ఈ సీజన్ లో చెన్నై సూపర్ కింగ్స్ జట్టు భారీ విజయాలు సొంతం చేసుకోకున్నా కూడా నిలకడగా ఆడుతూ ఫైనల్ వరకు చేరింది.