Pawan Kalyan- Ramcharan: మెగా ఫ్యామిలీ హీరోల సినిమా లు రాబోయే ఏడాది కాలంలో బ్యాక్ టు బ్యాక్ ప్రేక్షకుల ముందుకు రాబోతున్నాయి. మెగాస్టార్ చిరంజీవి మొదలుకుని యంగ్‌ హీరో వైష్ణవ్ తేజ్ వరకు వరుసగా సినిమాలు చేస్తున్నారు. అవి తక్కువ గ్యాప్ లో విడుదల అయ్యి మెగా ఫ్యాన్స్ కి బ్యాక్ టు బ్యాక్ పండగ తీసుకు రాబోతున్నారు.
ముఖ్యంగా పవన్ కళ్యాణ్ నటిస్తున్న ఓజీ సినిమాకి మెగా పవర్ స్టార్ రామ్‌ చరణ్ నటిస్తున్న గేమ్ ఛేంజర్ సినిమాకు కేవలం మూడు నాలుగు వారాల గ్యాప్ మాత్రమే ఉండే అవకాశాలు కనిపిస్తుంది. అదే జరిగితే మెగా ఫ్యాన్స్ కి పండగే అనడంలో సందేహం లేదు.
జూలై నెలలో బ్రో విడుదల కాబోతుండగా.. ఓజీ సినిమాను డిసెంబర్‌ లో విడుదల చేసే విధంగా ప్లాన్‌ చేస్తున్నారు. ఇక శంకర్ దర్శకత్వంలో రూపొందుతున్న చరణ్ గేమ్ ఛేంజర్ సినిమాను నిర్మాత దిల్‌ రాజు సంక్రాంతి సందర్భంగా విడుదల చేయబోతున్నట్లుగా సమాచారం అందుతోంది. కాస్త అటు ఇటుగా ఓజీ సినిమా తోనే గేమ్ ఛేంజర్ సినిమా విడుదల అవ్వబోతున్నట్లుగా తెలుస్తోంది.