Family court: ‘3-3 రోజులు చెరో భార్య దగ్గర ఉండు.. ఆదివారం నీ ఇష్టం’ ఫ్యామిలీ కోర్టు సూచన

తెలుగులో 30ఏళ్ల క్రితం వచ్చిన ‘ఏవండీ.. ఆవిడొచ్చింది’ సినిమాని తలపించే కథ ఇప్పుడు నిజజీవతంలోనూ జరిగింది. ఒకే భర్త గురించి ఇద్దరు భార్యలు గొడవపడగా.. 3రోజులు ఒక భార్య, మరో 3రోజులు ఇంకో భార్య దగ్గర.. ఆదివారం వారిద్దరిలో ఎవరొకరి దగ్గర ఉండొచ్చని ఓ ఫ్యామిలీ కోర్టు సూచించింది. వివరాల్లోకి వెళ్తే..

గ్వాలియర్ కు చెందిన వ్యక్తి హరియాణాలోని ఓ మల్టీ నేషనల్ కంపెనీలో ఉద్యోగి. 2018లో గ్వాలియర్ ప్రాంతానికి చెందిన మహిళతో వివాహమైంది. అయితే.. 2020లో లాక్ డౌన్ కారణంగా భార్యను పుట్టింటికి పంపించాడు. ఈక్రమంలో అదే కంపెనీలో పని చేస్తున్న మరో మహిళను ఆ వ్యక్తి పెళ్లి చేసుకున్నాడు. లాక్ డౌన్ ఎత్తేసినా తనను తీసుకెళ్లేందుకు భర్త రాకపోవడంతో తానే హర్యాణా వెళ్లింది.

భర్త మరో పెళ్లి చేసుకున్నాడని తెలిసి న్యాయం చేయాలని కోరుతూ గ్వాలియర్ ఫ్యామిలీ కోర్టును ఆశ్రయించింది. 6నెలల కౌన్సెలింగ్ అనంతరం వీరిమధ్య సయోధ్య కుదిర్చారు. దీనికి ఇద్దరు భార్యలు అంగీకరించారు. తర్వాత భార్యలిద్దరికీ చెరో ఫ్లాట్ కొనిచ్చాడు.