భారతీయ జనతా పార్టీకి సంబంధించి ఆంధ్రప్రదేశ్ శాఖలో ఒకటి కాదు రెండు కాదు.. చాలా గ్రూపులున్నాయి. అందులో ముఖ్యమైనవి వైఎస్సార్సీపీ అనుకూలమైన గ్రూపు.. తెలుగుదేశం పార్టీకి అనుకూలమైన గ్రూపు. ఇంతకీ, నిఖార్సయిన బీజేపీ వాదుల గ్రూపు సంగతేంటి.? నిజానికి అదెప్పుడో ‘పలచన’ అయిపోయింది. కొద్దోగొప్పో జనసేన గ్రూపు ఒకటి, నిఖార్సయిన బీజేపీ గ్రూపు కంటే కాస్త ‘పవర్’ కలిగి వుందేమో.!
వైఎస్సార్ కాంగ్రెస్ పార్టీ ముఖ్య నేత విజయసాయిరెడ్డికీ, ఏపీ బీజేపీ అధ్యక్షుడు కన్నా లక్ష్మినారాయణకూ మధ్య మాటల యుద్ధం జరుగుతోన్న విషయం విదితమే. ఏపీ బీజేపీలో కొందరు కన్నా లక్ష్మినారాయణకు మద్దతు పలికారు. ఇంతలోనే బీజేపీలోని వైసీపీ గ్రూపు.. ఢిల్లీ పెద్దల వద్ద తన ‘బలం’ చూపిందట. దాంతో, ‘ఈ సమయంలో ఈ తరహా విమర్శలు చేయడం అనవసరం.. రాజకీయ విమర్శలకు తగిన సందర్భం కాదిది.. కేంద్ర బీజేపీదీ, రాష్ట్ర బీజేపీదీ ఒకే మాట అయి వుండాలి..’ అంటూ బీజేపీ అధిష్టానం, ఏపీ బీజేపీ నేతలకు క్లాస్ పీకిందన్నది ఓ వాదన.
అయితే, కన్నా లక్ష్మినారాయణకు కేంద్ర నాయకత్వం సంఘీభావం పలికిందనీ, రాష్ట్ర బీజేపీ అంతా ఒక్కతాటిపై నిలిచి, వైసీపీని సమర్థవంతంగా ఎదుర్కొనాల్సిందిగా అధిష్టానం సూచించిందనేది ఇంకో వాదన. నిజానికి, చాలా విషయాల్లో బీజేపీలోనే రెండు మూడు ‘భిన్నాభిప్రాయాలు’ కన్పిస్తుంటాయి. రాజధాని అమరావతి విషయంలో కావొచ్చు, శాసన మండలి రద్దు విషయంలో కావొచ్చు.. మరో విషయంలో కావొచ్చు.. ఏపీ బీజేపీకి ఒక విధానమంటూ లేకుండా పోయింది.
ఇక్కడ బాధాకరమైన విషయమేంటంటే, బీజేపీ తనతోపాటు మిత్రపక్షం జనసేననూ గందరగోళంలోకి నెట్టేస్తోంది. వైసీపీ – బీజేపీ మధ్య పోరులో, బీజేపీకి జనసేనాని మద్దతిస్తే.. దాన్ని బీజేపీలోనే కొందరు అపహాస్యం చేసేలా ప్రవర్తిస్తుండడం గమనార్హం. అమరావతి విషయంలోనూ జనసేన వాయిస్ని బీజేపీ నేత జీవీఎల్ నరసింహారావు తొక్కిపెట్టేందుకు ప్రయత్నించిన విషయం విదితమే. ఇలాగైతే, 2019 ఎన్నికల్లో వచ్చిన ఫలితాలకు మించి బీజేపీ ఏపీలో ఎదిగే అవకాశమే వుండదన్నది నిర్వివాదాంశం.
221529 678584Oh my goodness! an remarkable write-up dude. Many thanks Even so My business is experiencing trouble with ur rss . Do not know why Struggle to sign up to it. Can there be everybody finding identical rss dilemma? Anyone who knows kindly respond. Thnkx 972844
159795 197462We guarantee authentic brands avoiding inferior commercial imitations, or even dangerous counterfeits. 437566