ఏపీలో ప్రభుత్వ భవనాలకు పార్టీ జెండాలను పోలిన రంగులను తొలగించాలంటూ హైకోర్టు తీర్పు ఇచ్చిన నేపథ్యంలో అధికార పార్టీ నిర్ణయం ఎలా ఉంటుందా అని అంతా ఆసక్తిగా ఎదురు చూశారు. లాక్ డౌన్ ఎత్తివేసిన తర్వాత మూడు వారాల్లోగా ఆ రంగులన్నీ తొలగించాలని కోర్టు ఆదేశించింది. రాష్ట్రవ్యాప్తంగా పంచాయతీ భవనాలకు దాదాపు రూ.1400 కోట్లు వెచ్చించి వేసిన వైసీపీ రంగులు తొలగించి కొత్త రంగులు వేయాలంటే మరో రూ.1400 కోట్లు కావాలని అధికారులు అంచనా వేశారు. ప్రస్తుత క్లిష్ట పరిస్థితుల్లో అంత మొత్తం వెచ్చించడం తలకు మించిన భారమేనని పేర్కొంటున్నారు.
అన్నింటికంటే ముఖ్యంగా అధికార పార్టీ తమ పార్టీ జెండా రంగులు తీసివేయడం అస్సలు ఇష్టం లేదు. కానీ హైకోర్టు స్పష్టంచేసిన నేపథ్యంలో ఆ రంగులు మార్చక తప్పదు. ఈ నేపథ్యంలో ప్రభుత్వం వ్యూహాత్మకంగా వ్యవహరించింది. అటు కోర్టు ఆదేశాలు పాటించినట్టుగా చూపిస్తూనే.. తమ పార్టీ రంగులు తీయకుండా ఉండేలా ఉత్తర్వులు వెలువరించింది. అదనంగా మరో రెండు రంగులు వేయడం ద్వారా తమ మాట నెగ్గించుకోవాలని కీలక నిర్ణయం తీసుకుంది. జాతీయ బిల్డింగ్ కోడ్ లో రంగులకు సంబంధించి ఎలాంటి నిబంధనలూ లేవని, గ్రామీణ సంస్కృతి ఆధారంగా రంగులు ఎంచుకునే స్వేచ్ఛ తమకు ఉందని పేర్కొంది. రంగులపై నియమించిన నిపుణుల కమిటీ సూచించిన రంగులను ఈ సందర్భంగా సర్కారు వివరించింది.
వ్యవసాయానికి ప్రతీకగా ఆకుపచ్చ, ఆక్వా ఉత్పత్తులను ప్రతిబింబించేలా నీలిరంగు, పాల ఉత్పత్తులకు తెలుపు, భూమికి గుర్తుగా మట్టి రంగు వేయాలని కమిటీ సూచించినట్టు ప్రభుత్వం తాజాగా జారీ చేసిన ఉత్తర్వుల్లో పేర్కొంది. వీటికి అదనంగా స్థానిక సంప్రదాయలను బట్టి మరో రంగు జోడించవచ్చని సూచించింది. మట్టి రంగు మినహా మిగిలిన మూడు రంగులూ వైసీపీ జెండా రంగులే కావడం గమనార్హం. మట్టి రంగు కాకుండా మరో రంగు జోడించాలన్న సర్కారు.. అందులోనూ వ్యూహాత్మకంగానే వ్యవహరిస్తోంది. కాషాయ రంగును వేయడం ద్వారా బీజేపీని కూడా సంతృప్తపరచవచ్చని భావిస్తోంది.
అలా చేయడం వల్ల బీజేపీ ఈ వ్యవహారంలో విమర్శలు చేసే పరిస్థితి ఉండదని యోచిస్తోంది. ఇప్పటికే గుంటూరు జిల్లాలో ఓ పంచాయతీకి ఈ రంగులు వేశారు. రాష్ట్రవ్యాప్తంగా ఇదే పద్ధతి అనుసరించనున్నారు. మొత్తానికి కోర్టు స్పష్టంచేసినా.. అధికార పార్టీ మాత్రం తాను అనుకున్నదే చేస్తోందనే అభిప్రాయాలు వ్యక్తమవుతున్నాయి. సర్కారు నిర్ణయంపై తెలుగుదేశం పార్టీ ఎలా స్పందిస్తుందో చూడాలి.
491823 109183Normally the New york Weight Loss diet is certainly less expensive and flexible staying on your diet scheme intended for measures nevertheless quickly then duty maintain a nutritious every day life. weight loss 334815
966281 319217What is your most noted accomplishment. They might want good listeners rather than great talkers. 101150