Trevor Jacob: ఓ వ్యక్తి లక్షమంది సబ్ స్క్రైబర్లు ఉన్న తన యూట్యూబ్ (You Tube) వ్యూయర్ షిప్ కోసం విమానాన్నే (Airplane) కూల్చేసాడో యూట్యూబర్. విచారణలో మొదట బుకాయించినా.. తర్వాత నిజం అంగీకరించాడు. అమెరికాలో (America) జరిగిన ఘటనకు సంబంధించిన వివరాల్లోకి వెళ్తే..స్నోబోర్డ్ క్రీడాకారుడైన ట్రెవోర్ జాకబ్ తన యూట్యూబ్ చానెల్లో స్కైడైవింగ్, ఏవియేషన్, స్నోబోర్డింగ్ వీడియోలు అప్లోడ్ చేస్తూంటాడు. 2021 నవంబర్ 24న లోంపొక్ విమానాశ్రయం నుంచి పాతదైన సింగిల్ ఇంజిన్ లైట్ ఎయిర్ క్రాఫ్ట్ తీసుకుని లాస్ పాడ్రెస్ నేషనల్ పార్కుపై వెళ్తూండగా విమానం కూలిపోగా ప్యారా చూట్ సాయంతో ట్రెవొర్ బయటపడ్డాడు.
అందరూ దీనిని ప్రమాదంగానే భావించారు. అయితే.. 2021 డిసెంబర్ 24న I Crashed my Ariplane పేరుతో ఓ వీడియో పోస్ట్ చేసి ప్రమాదం జరిగిందని ట్రైవోర్ చెప్పాడు. అయితే.. వీడియోలో అతడి చేతిలోని సెల్ఫీ స్టిక్, విమానం కూలే దృశ్యాలతోపాటు నేను క్షేమంగా బయటపడ్డాను అని ఉంది. విమానంలో అతడు అమర్చిన కెమెరాలు వీటిని చిత్రీకరించాయి.
ప్రమాదంపై విచారణ చేపట్టిన ప్రభుత్వం అనుమానం వ్యక్తం చేసింది. దర్యాప్తులో ట్రెవొర్ తనకేమీ తెలియదనే అన్నాడు. ఆ తర్వాత ఓ స్నేహితుడితో కలిసి హెలికాఫ్టర్ (Helicopter) లో వెళ్లి విమాన శకలాల్ని వేరేచోటికి తరలించి ధ్వంసం చేశాడు. అయితే.. ఫెడరల్ బృందం తన దర్యాప్తులో కావాలనే ట్రెవోర్ విమానాన్ని కూల్చేశాడని తేల్చింది. దర్యాప్తులో నిజం అంగీకరించాడు. ఈ కేసులో అతడికి 20ఏళ్లు జైలుశిక్ష పడే అవకాశం ఉందని తెలుస్తోంది.