Sukumar: లెక్కలు.. ఈ సబ్జెక్టే ఎంతో కష్టం. కానీ.. ఇష్టంగా భావించేవాళ్లకు లెక్కలు తప్ప మరొకటి ఎక్కదు. లెక్కలతో పదునెక్కిన మనిషి మెదడు చేసే ఏ పనిలో అయినా అలాగే ఆలోచింపజేస్తుంది. అంతే ఉన్నతంగా ఉంటాయి కూడా. వీటిని సినిమాల్లో అప్లై చేస్తే.. అదీ దర్శకత్వంలో చూపిస్తే.. ప్రేక్షకులకు సరికొత్త స్క్రీనింగ్ ఎక్స్ పీరియన్స్ ఇవ్వొచ్చు. అలా చేసి నిరూపించాడో లెక్కల మాస్టారు. స్టోరీ టెల్లింగ్ లో తెలుగు సినిమా లెక్కలు మార్చేసిన ఆ మాస్టారే క్రియేటివ్ డైరక్టర్ అని పేరు తెచ్చుకున్న సుకుమార్. టైటిల్స్ టు ఎండ్ కార్డ్ వరకూ తన మార్క్ చూపడం ఆయన స్టయిల్. 2004లో అల్లు అర్జున్ తో తెరకెక్కించిన ‘ఆర్య’తో.. తెలుగు సినిమాకు సుకుమార్ పరిచయమై నేటికి 20ఏళ్లు.
స్క్రీన్ ప్లే మాస్టర్..
ఆర్యతో అందమైనలవ్ స్టోరీని.. తనదైన స్క్రీన్ ప్లేతో తెరకెక్కించి తెలుగు సినిమాకు సరికొత్త రంగులు అద్దింది ఆయనే. జగడంలో రామ్ గ్యాంగ్ తో ఆపోజిట్ గ్యాంగ్ చాలెంజ్ చేస్తే.. అందరూ వెనక్కి వెళ్లిపోతే రామ్ ఒక్కడే ఉండిపోయే షాట్.. ఆర్య-2లో రౌడీని కొట్టడం.. స్లో మోషన్లో గాల్లోకి ఎగరడంతోనే పాట మొదలైపోయే షాట్స్ మరో దిగ్గజ దర్శకుడు రాజమౌళినే ఆశ్చర్యానికి గురి చేశాయి. 100% లవ్ సినిమాలోనూ తన లెక్కల మ్యాజిక్కును ప్రేమకథలో చూపించిన లెక్కల మాస్టారూ ఆయనే. మహేశ్ వంటి స్టార్ హీరోను సైకలాజికల్ థ్రిల్లర్ లో చూపి సుకుమార్ స్క్రీన్ ప్లేలో పీక్స్ చూపించాడు. ఎన్టీఆర్ వంటి మాస్ హీరోతో రివేంజ్ స్టోరీని క్లాసికల్ గా తెరకెక్కించి మరోసారి తన మ్యాజికల్ బ్రెయిన్ సత్తా చూపాడు. ప్రేక్షకులు తన సినిమాకు 2.0 వెర్షన్ మెదడుతో రావాల్సిందేనని చెప్పకనే చెప్పేశాడు.
రంగస్థలంతో మరో రూట్..
మల్టీ టాలెంటెడ్ రామ్ చరణ్ నేడు చూస్తున్న గ్లోబల్ స్టార్ ఇమేజ్ కు ఓనమాలు దిద్దించింది కూడా సుకుమారే. ‘రంగస్థలం’తో రామ్ చరణ్ రూటే మార్చేశాడు. ఫ్యాన్స్, ప్రేక్షకులు, క్రిటిక్స్ సైతం కళ్లప్పగించి చిట్టిబాబునే చూసేలా చేసాడు. అల్లు అర్జున్ ‘పుష్ప’తో తెలుగు తెరపై తాను తగ్గేదె లే అంటూ కుర్చీ వేసుకుని కూర్చున్నారు. ప్రస్తుతం దేశం మొత్తం పుష్ప-2 కోసం చూస్తుందంటే పుష్పతో సుకుమార్ చేసిన మ్యాజిక్ ఏంటో తెలుస్తుంది. రామ్ చరణ్ తో త్వరలో తెరకెక్కించే సినిమాలో ఓపెనింగ్ షాట్ గురించి రాజమౌళి ఇచ్చిన చిన్న హింట్ సుకుమార్ ని తలచుకుంటేనే వైబ్రేషన్స్ వచ్చేలా చేసుకున్నాడు. ఇంతటి క్రియేటివ్ జీనియస్ సుకుమార్ కు మరిన్ని విజయాలు రావాలి.. తెలుగు సినిమా జెండా రెపెరెపలాడేలా చేయాలని కోరుకుంటూ ఆల్ ది బెస్ట్ చెప్తోంది ‘టీమ్ తెలుగు బులెటిన్’.