Sathya : శివమ్ మీడియా బ్యానర్ నుంచి వస్తున్న తొలి సినిమా ‘సత్య’ ట్రైలర్ ను నేడు 8 మంది దర్శకుల చేతుల మీదుగా విడుదల చేయించారు. కొన్ని రోజుల క్రితం విడుదల అయిన పోస్టర్లు మరియు టీజర్ కు మంచి స్పందన వచ్చిన విషయం తెల్సిందే. తాజాగా విడుదల అయిన ట్రైలర్ తో సినిమా పై అంచనాలు మరింత పెరిగాయి.
మే 10న విడుదల అవ్వబోతున్న ఈ సినిమా ట్రైలర్ విడుదల కార్యక్రమంలో దర్శకులు కృష్ణ చైతన్య, శశి కిరణ్‌, సతీష్ వేగేశ్న, మధుర శ్రీధర్‌, పవన్ సాధినేని, అర్జున్, ప్రభు, వాలి మోహన్ దాస్ తదితరులు పాల్గొన్నారు. సత్య ట్రైలర్ పై దర్శకులు ప్రశంసలు కురిపించారు.
శివ మల్లాల నిర్మించిన ఈ సినిమా సక్సెస్ అవ్వాలని కోరుకుంటున్నాం అంటూ దర్శకులు సతీష్ వేగేశ్న తో పాటు ఇతరులు శుభాకాంక్షలు తెలియజేశారు. ఇండస్ట్రీలో అందరికి సుపరిచితుడు, మీడియా రంగంలో సుదీర్ఘ కాలంగా కొనసాగుతున్న శివ మల్లాల నిర్మాతగా సక్సెస్ అవ్వాలని కోరుకుంటున్నాం అంటూ దర్శకులు బెస్ట్‌ విశేష్‌ తెలియజేశారు. విభిన్నమైన కాన్సెప్ట్‌ తో రూపొందిన ఈ సినిమా ట్రైలర్ కి పాజిటివ్‌ రెస్పాన్స్‌ దక్కింది.